GÉNESIS 28 - Guarani Bible with DC

1Jayave Isaac oenɨi taɨ Jacob jare jei ñee kavi ikotɨ; jare oyókuai jei reve chupe: “Agüɨye eipɨɨ nderembirekorä kuimbae reta Canaán pegua tayɨ.

2Epüa ekua Padan-aram kotɨ, Betuel jëta pe, jae ko ndesɨ tu, jare emenda joko pe Labán tayɨ ndive. Labán jae ko ndesɨ ikɨvɨ.

3Tumpa imbaepuere yae ete vae tiporerekua nderé jare tanemoñemuña jeta, reyeapo regua tëta tuicha yae vaerä.

4Jare tomee ndeve mborerekua Abraham pe güɨrökuavee vae, tenonde yave jókuae tëta jee yepi Luz.

20Jacob oñererökuavee jei reve: “Tumpa ojo yave che ndive, jare cheñovatu yave kuae cheguata pe omee reve cherembiurä, jare temimonde omee yave amonde vaerä;

21jare ayu ye yave mbɨakatu pe cheru jëta pe, jökorai yave cheYa toiko cheTumparä.

22Kuae ita añono kuae pe vae topɨta oporomomaendúa avei vaerä, toiko Tumpa jo rami; jare opaete mbaembae remeeta cheve vae güi ambosɨrɨta payandepo güi metei ndeveguarä.”