ESDRAS 3 - Guarani Bible with DC

Mɨmba oyeyukagüe oyeapɨ jese vae jare mbaemboete Tumpa pe oñemee vae oyeapo kavi ye

1Jare chiúa yasɨ pe, Israel iñemuña reta ñogüɨnoi kavi ma jëta guasu reta rupi yave, oyomboatɨ reta metei ramiño Jerusalén pe.Neh 7.73—8.1.

2Jayave Jesúa, Josadac taɨ jare jëtara sacerdote reta, jare Zorobabel, Salatiel taɨ jare jëtara reta, omopüa reta mɨmba oyeyukagüe oyeapɨ jese vae Israel iTumpa pe, omee vaerä jese mɨmba oyeyukagüe opaetei oyeapɨ vae, Moisés, Tumpa jembiokuaiEx 27.1. iporookuai reta jei rami.

3Jare omopüa reta mɨmba oyeyukagüe oyeapɨ jese vae jendagüe re etei, echa okɨɨye reta jókuae ɨvɨ pegua kuimbae reta güi, jare omee reta jese mɨmba oyeyukagüe opaetei oyeapɨ vae yandeYa pe,Ex 29.38-42; Nm 28.1-8. ndeimbove yave jare kaaru yave.

4Oyapo reta vi arete mbaemboete pegua küaraɨa ñairaka peguaLv 23.33-36; Nm 29.12-38; Dt 16.13-15. mborookuai pe oyekuatía oï rami, mɨmba oyeyukagüe opaetei oyeapɨ vae ara ñavo oñemeese rami, jókuae ara oyepapa oñemeeta rami.

5Jaeramiño omee reta avei mɨmba oyeyukagüe opaetei oyeapɨ vae, yasɨ pɨau reta pe, jare opaete arete mbaemboete pegua yandeYaNm 28.11—29.39. pe vae, jare opaete mɨmba oyeyukagüe jare amogüe omee mbota ipɨa-kɨ̈reɨ ngatu reve yandeYa pe vae.

6Tenondegua ara, yasɨ chiúa güive omboɨpɨ omee reta mbota mɨmba oyeyukagüe opaetei oyeapɨ vae yandeYa pe, yepe tëi ndei oyemboɨpɨ oñeñono yandeYa itupao guasu iguapɨka.

7Jare omee reta korepoti, o iyapoa reta pe jare ipoki oparavɨkɨ ɨvɨra pe vae reta pe, Tiroɨgua reta pe jare Sidón pegua reta pe omee tembíu, vino jare olivo iasaite güeru reta vaerä ɨ̈vɨrare Líbano güi ɨguasu rupi Jope pe, Ciro mburuvicha guasu Persia pegua jei rami.

Oñeñono tupao guasu iguapɨka reta

8Mokoía año re mokoía yasɨa ma yogüeru oväe güire tupao oïa pe Jerusalén pe yave, omboɨpɨ reta mbaravɨkɨ Zorobabel, Salatiel taɨ, Jesúa, Josadac taɨ, jare ïru jëtara reta, sacerdote reta jare levita reta, jare opaete yogüeru ye tembipɨɨ güi Jerusalén pe vae reta ndive, jare oñono reta Leví iñemuña reta veinte año güɨnoi vae güi ɨvate vae reta ipo pe, omae reta vaerä mbaravɨkɨ yandeYa jo oyeapo vae re.

9Jesúa jare taɨ reta jare jëtara reta ndive, Cadmiel jare taɨ reta ndive, jae ko Judá iñemuña reta, Henadad iñemuña reta ndive jare jɨmɨmino reta, jare jëtara levita reta, oyemboatɨ metei ramiño omae reta vaerä mbaravɨkɨ yandeYa jo oyapo vae reta re.

10Jare o iyapoa reta oñono yave yandeYa itupao guasu iguapɨka, sacerdote reta oyemonde temimonde sacerdote pegua pe jare mimbɨguasu ndive, jare levita reta Asaf iñemuña reta güɨnoi platillo omboete vaerä yandeYa, David, Israel iñemuña reta juvicha guasu oeya mborookuai rami.1 Cr 25.1; 2 Cr 29.25-30.

11Jare otairari reta, ombaemboete reta omee reta yasoropai yandeYa pe, jei reve: “Jae ipɨakavi ko, echa iporoparareko jekuae avei Israel re.”1 Cr 16.34; 2 Cr 5.13; 7.3; Sal 100.5; 106.1; 107.1; 118.1; 136.1; Jer 33.11. Jare opaete vae reta osapúkai täta oyerovia reve omboete reta yandeYa, echa jo iguapɨka oyemboɨpɨ ma oñeñono.

12Jare jeta sacerdote reta jare levita reta, jare metei tëtara vae itenondegua reta indechi ma vae reta oecha tenondegua tupao vae reta, oecha yave oñono reta o iguapɨka, oyaeo reta jäse reve, ïru reta osapúkai oyerovia reve.

13Jare mbaetɨ oyeendu kavi, jäse oyaeo vae jare jäse osapúkai oyerovia güi vae reta; echa täta yae jäsémbai reta vae mombɨrɨ oyeendu.