1Chemiari yave ambuae ñee reta pe jare araɨgua reta iñee pe, ërei mbaetɨ aporoaɨu yave, ayu ko apɨta kapana ipu rami jare platillo ipu rami.
2Yepe mona amoërakua maratuta vae re, ani aikuaa opaete mbaembae yaikuaambae vae, jare opaete arakuaa katu, jare anoi mborogüɨrovia tuicha vae, chepuere vaerä ambosɨrɨ ɨvɨtɨ guasu reta.Mt 17.20; 21.21; Mc 11.23. Ërei mbaetɨ aporoaɨu yave, mbaeä ko che.
3Yepe mona amee opaete chembaembae amongaru vaerä iparavete vae reta. Jare amee cherete etei oyeapɨ vaerä, ërei mbaetɨ aporoaɨu yave, mbaetɨ etei osirive cheve.
4Mboroaɨu jae ko yaiporara vae, yandepɨakavi vae, mbaetɨ ko ñemoägüɨro, mbaetɨ ko yembotuicha, mbaetɨ ko pɨayemboete,
5mbaetɨ yayapo ikavimbae, mbaetɨ yaipota mbae yandeyeupeguaräño, mbaetɨ yandearasɨ, mbaetɨ yandearasɨ yaiko yandepɨa pe ïru vae kotɨ,
6mbaetɨ yayerovia mbae jupimbae re, ërei yayerovia añete vae re,
7yaiporara opaño mbae, opaete re yarovia, opaete mbae ñaäro, opaete mbae yaropɨa.
8Mboroaɨu ngaraa etei opa. Ërei mbae maratuta vae imombeúa opata ko. Jaeramiño vi ambuae ñee reta pe imiari vae opata ko. Jare arakuaa reta opata vi.
9Echa mbovɨ yae ko yaikuaa, jare mbovɨ yae ko yamombeu maratuta vae re.
10Ërei oväe ma yave ikavi yae vae, jókuae mbovɨño vae opata.
11Che chemichi yave, chemiari yepi metei michia imiari rami, ayemongeta yepi metei michia rami, aiko yepi metei michia rami. Ërei akuakuaa ma yave, mbaetɨ ma aiko metei michia oiko rami.
12Añave yaecha vae, epeo pe jäve yaecha rami ko, ërei metei ara yaecha kavita ko. Añave mbovɨño aikuaa, ërei jayave aikuaa kavita1 Jn 3.2. Tumpa chekuaa rami.
13Mboapɨ ko jae mbae oiko avei vae: Mborogüɨrovia, moroäro jare mboroaɨu. Ërei mboroaɨu ko tuicha yae, jókuae ïru mókoi reta güi.
Who We AreWhat We EelieveWhat We Do
2025 by iamachristian.org,Inc All rights reserved.
