1Peendu ete kavi peyeupe yandeYa Tumpa iñee yave, peyapo yave mborookuai reta amombeu añave peve vae, yandeYa Tumpa pembotuichata opaete tëtaguasu reta ɨvɨ pegua güi.
2Penoita opaete kuae mborerekua reta,Dt 11.13-17. peyapo yave yandeYa Tumpa iñee.
3Peyekouta perëta guasu pe, jare peko pe.
4Peyekouta peraɨ reta rupi, peremitɨ reta ia re, perɨmba reta imembɨ re, peguaka reta imembɨ re, jare pevecha reta re.
5Peyekouta pekanata ipo re jare mbɨyape oyemómbɨu pɨpe vae re.
6Peyekouta opaete mbaembae peyapo vae rupi.
7YandeYa omoamɨrita perovaicho reta yogüeru oporepeña peré vae reta; metei tape rupi yogüeru retata peve, ërei opata oñemoai moai otekuarai pegüi.
8YandeYa ombouta peavatío re iporerekua jare opaete mbaembae peyapo vae re; iporerekuata peré kuae ɨvɨ omeeta peve vae pe.
9Peendu jare peyapo yave yandeYa Tumpa iñee, jae pererekota metei tëta oñeñono tee vae imbaerä, oñererökuavee jee re peve rami.
10Jare opaete tëta reta oikuaata pe reta ko yandeYa peño peyerure vae, jare okɨɨye retata pegüi.
11YandeYa pemboyekouta pembaembae rupi, peraɨ reta rupi, perɨmba imembɨ reta rupi, peremitɨ reta ia rupi, jókuae ɨvɨ güɨrökuavee jee re omee vaerä peñemuñagüe reta pe vae pe.
12YandeYa oipeata peve mbaeyekou ara pegua, omongɨ vaerä ɨvɨ re iara pe kavi, iporerekua vaerä opaete peparavɨkɨ re. Peiporukata jeta tëtaguasu reta pe, ërei pe mbaetɨta pembaeporu kia güi.
13YandeYa peñonota tenonde, mbaetɨta peñono iyapɨ pe; pembaepuere aveita opaete vae güi, mbaetɨta peiko jae reta imbaepuere pe, peyapo yave yandeYa Tumpa iporookuai poyókuai añave vae,
14mbaetɨ yave pepia kërai ave yepe opaete che jae peve vae güi pemboete vaerä tumpa ambuae jare peyeokuai chupe.
Ñeereendumbae jekovia(Lv 26.14-46)15Ërei mbaetɨ peendu yandeYa Tumpa iñee omombeu añave peve vae yave, outa peré opaete kuae yepopeyu reta:
16Yepopeyu toa peré tëta guasu pe jare peko pe.
17Yepopeyu toa pekanata ipo re jare mbɨyape oyemómbɨu pɨpe vae re.
18Yepopeyu toa nderaɨ reta re, neremitɨ ia reta re, ndeguaka imembɨ reta re, jare ndevecha reta imembɨ reta re.
19Yepopeyu toa opaete mbaembae peyapogüe re.
20YandeYa oitɨta peré yepopeyu, mbɨatɨtɨ jare mɨakañɨ opaete mbaembae peyapogüe rupi, opa regua pekañɨtei ɨmambae pegua, perembiapo ikavimbae rupi peeya jeko pegua.
21YandeYa güeruta peve mbaerasɨ pɨ̈chɨi yae vae, opa regua pemokañɨtei kuae ɨvɨ peike peiko vaerä pɨpe vae güi.
22YandeYa ombouta peve kuperasɨ, taku, ruru, taku guasu, okɨmbae, mbaesusere jare temitɨ mbaerasɨ; kuaekuae mbaetɨta pereeya opa pemokañɨtei regua.
23Mbaetɨ eteita okɨ peve, ɨvɨ pe ave mbaetɨta mbaagüɨye.
24YandeYa ombouta peve ama jekovia pe ɨvɨtimbo, opa pekañɨtei regua.
25YandeYa pemoamɨriukata perovaicho reta pe; metei tape rupi peporepeñata nderovaicho reta re, ërei opata peñemoai moai petekuarai chugüi reta; peñemoaita jare peikoasɨ katuta opaete tëta ñavo rupi.
26Perëogüegüe oikota chucha reta jare mbaeporou reta jembiurä, jare mbaetɨta kia omondo chugüi vae.
27YandeYa oitɨta peré karacha pɨ̈chɨi vae Egipto pe rami, atii, kuru jare pire jemɨi ipoanoämbae vae.
28YandeYa oitɨta peré mbokere, tesambae, pɨa-kërai,
29peyeandu reve peguatata, jesambae oyeandu reve oguata rami. Ngaraai mbae peyapo vae oë kavi peve, pepɨatɨtɨ aveita, oñomi aveita mbae pegüi, jare mbaetɨta kia pereepɨ vaerä.
30Pemomiari tëita kuña pemenda ïrurä, ërei ambuae vae kuimbaei güɨrekota; peyapota o, ërei ngaraa peiko pɨpe; peñotɨta uva, ërei ngaraa peyekou iagüe re.
31Pegüeye peróvai oyuka retata pegüi, ërei ngaraa peu isoogüe; pemburika peróvai güi oñomita pegüi, ërei ngaraa oyemboyevɨ ye peve; pevecha reta oñemeeta perovaicho reta pe, ërei mbaetɨta kia opɨ̈ro ye peve vaerä.
32Peraɨ jare perayɨ reta oñemeeta perovakei ïru tëta pegua reta pe, peyemombaerasɨta jese reta, ërei ngaraa mbae pepuere peyapo.
33Peremitɨ iagüe, jare opaete peparavɨkɨ rupi oime vae, jouta peikuaambae vae reta, oiporarauka aveita peve vae.
34Pemombokereta opaete mbaembae peecha vae.
35YandeYa oitɨta peré karacha jasɨ yae vae petava re, peu re, jare opaete perete rupi, ngaraa pepuere pekuera.
36YandeYa opata pererajauka jare peruvicharä peiparavo vae ndive, tëtaguasu mbaetɨ peikuaa jare peñemuñagüe reta ave mbaetɨ oikuaa vae kotɨ. Joko pe peyeokuaita tumpa ambuae ɨvɨra pegua jare itaDt 4.27-28; 2 R 17.4-6; 25.8-12. pegua pe.
37Mbaetɨta omae kavi peré vae, ñeeräño peikota, jare peyóyai yoyaita opaete vae tëta ñavo yandeYa pererajaa rupi.
38Peñotɨ tëita jeta temitɨ, ërei mbovɨ yae pearɨvota, echa tuku opata jou.
39Peñotɨ tëita uva, peyangarekota jese, ërei ngaraa peu tɨgüegüe ani iagüe yepe, echa taso opata jou.
40Penoita jeta ɨvɨra temitɨ olivo, ërei ngaraa peñemokäti iasaite pe, echa ia opata otini.
41Oimeta peraɨ jare perayɨ, ërei ngaraa yogüɨreko pembaerä, echa opata oyereraja tembipɨɨrä.
42Tuku opata jou opaete peremitɨ jare peremitɨ ia reta peɨvɨ pegua.
43Ketɨgua reta yogüɨreko perëta pe vae ara ñavo jeieteta oikokatu, ërei pe jeieteta peparavete.
44Jae reta oiporukata mbae peve, ërei pe mbaetɨta mbae penoi peiporuka vaerä; jae reta yogüɨrekota tenondeguarä, ërei pe peikota taɨkueguarä.
45Outa peré opaete kuae yepopeyu reta, peraɨkuemoñata jare perupitɨta opa pekañɨtei regua, mbaetɨ ramo peendu yandeYa Tumpa iñee, peyapo vaerä opaete jae peokuai tëi vae.
46Opaete kuae mbaembae reta outa peve jare neñemuña reta re jekuae avei rupi, jare oporombopɨakañɨta,
47mbaetɨ ramo peyeokuai yandeYa Tumpa pe yerovia ndive jare mbɨakatu ndive, jeta mbaembae omee peve vae re.
48Jáeramo peyeokuaita perovaicho reta yandeYa ombou peve vae pe, peyɨmbɨaɨ reve, peɨuve reve, penandi reve, peporiau reve opaño mbaembae re; jae reta oñonota peré mbaravɨkɨ yavaetegüe opa regua pemokañɨtei.
49YandeYa güeruta peve metei tëtaguasu matɨ güi, ɨvɨ iyapɨ kotɨ güi, güɨraké rami iñäkua vae; tëtaguasu mbaetɨ iñee peikuaa vae;
50ipïrimbae yae vae reta, mbaetɨta omboete ndechi yepe ani michia yepe.
51Jou retata perɨmba imembɨ reta, peremitɨ ia, opa pekañɨtei regua; mbaetɨta oeya peve trigo yepe, ani uva tɨgüegüe, ani olivo iasaite, peguaka imembɨ yepe, ani vecha imembɨ yepe, opa regua pemokañɨtei.
52Oñova retata opaete perëta guasu reta, oa regua tëta ikësea täta jare ɨvate vae reta, pe peyerovia jese vae, opaete kuae ɨvɨ pe; oñova retata opaete tëta reta yandeYa omee ɨvɨ pevea pe.
53Jare peuta peraɨ jare perayɨ yandeYa Tumpa omee peve vae isoo, perovaicho reta peöva yave, oasa ete ma oiporarauka perovaicho peve yave.
54Jare kuimbae iporoaɨu yae vae ave, ngaraa ma omae kavi jëtara re, jembireko re, ani michia reta jembɨre vɨteri chupe vae re,
55mbaetɨ ramo oipota omee chupe reta imichia isoo jae jouta vae, karuai jeko pegua, perovaicho reta peöva jare oiporarauka peve opaete perëta guasu ñavo rupi vae jeko pegua.
56Kuña maepöra yae vae, mbaetɨ oipota ɨvɨ re opɨ̈ro ipɨgüɨrai yave vae, ime oyoaɨu jae ndive vae re ave ngaraa omae kavi, imembɨraɨe jare imemɨkuña reta re
57michia raɨ oa ramo chugüi vae jare iyaupa jou vɨarita,2 R 6.28-29; Lm 4.10. karuai jeko pegua; perovaicho reta peöva jare oiporarauka peve opaete perëta ñavo vae jeko pegua.
58Mbaetɨ yave peyapo opaete mborookuai oyekuatía oï kuae tembikuatía pe vae, mbaetɨ yave peipoɨu kuae tee mbaemboetea jare kɨɨyea güi, jae ko: YandeYa Tumpa.
59Jayave jae omoïruta peve jeta ikavimbae yae ete vae, peñemuña reta pe, mbaerasɨ pɨ̈chɨi yae vae jare ipöambae vae.
60Jare güeruta peve opaete tembiporara reta Egipto pegua, jókuae pekɨɨye yae chugüi vae reta, jare peiporara aveita.
61Jaeramiño vi opaete mbaerasɨ jare tembiporara reta mbaetɨ oyekuatía oï tembikuatía mborookuai pegua pe vae, yandeYa ombouta peve opa pekañɨtei regua.
62Jare mbovɨ yae pepɨtata, peiko tëi ma reve jeta yeyé yasɨtata rami, mbaetɨ ramo peendu yandeYa Tumpa iñee.
63YandeYa oyerovia reve oyapose ikavi vae peve jeta pemoñemuña rami, jökorai vi oyeroviata pererokomegua jare pemboai; jare peyeekɨukata peyemombo jókuae ɨvɨ peike tëi peiko vaerä pɨpe vae güi.
64Jare yandeYa opata pemoai moai opaete tëtaguasu reta rupi, ɨvɨ iyɨpɨ kotɨ güive, ketɨ ɨvɨ iyapɨ kotɨ; joko pe peyeokuaita tumpa ambuae reta pe, pe mbaetɨ peikuaa vae reta, jare peñemuñagüe reta ave mbaetɨi oikuaa vae, ɨvɨra pegua jare ita pegua pe.
65Jare peiko ramboeve jókuae tëtaguasu reta pe, mbaetɨta peiko pɨagüive, mbaetɨta peputuu kavi; echa yandeYa omeeta peve pɨakɨɨye, mbɨatɨtɨ jare yemoambeko.
66Aivetei yaeta ko perekove, pekɨɨye reteiñota ara rupi jare pɨ̈tu rupi, jëgua reteiñota perekove.
67Pekɨɨye yae jeko pegua, jare mbaembae peechata vae peko pegua, ndeimbove yave pereta: ‘¡Mbae mona pɨ̈tu mo!’ Jare pɨ̈tu yave pereta: ‘¡Mbae mona köe mo!’
68Yepe tëi yandeYa jei peve mbaetɨta ma peo ye jókuae tape rupi, ërei pereraja yeta Egipto kotɨ barco pe; jare joko pe peñemeeta tembiokuairä, ërei mbaetɨta kia ave pegua vae.”
Who We AreWhat We EelieveWhat We Do
2025 by iamachristian.org,Inc All rights reserved.
