ÉXODO 19 - Guarani Bible with DC

Israel iñemuña reta Sinaí pe

1Mboapɨa yasɨ ma Israel iñemuña reta opa ñogüɨnoe ɨvɨ Egipto güi yave, jókuae ara etei opa yogüɨraja oväe ñuu Sinaí pe.

2Refidim güi ñogüɨnoe reta, jare opa yogüɨraja oväe ñuu Sinaí pe; jare joko pe oyembojeyupa reta ɨvɨtɨ guasu jóvai.

3Joko pe Moisés oyeupi oñoväe vaerä Tumpa ndive; jare yandeYa oenɨi jókuae ɨvɨtɨ güi, jei chupe:

—Körai ere Jacob iñemuña reta pe, jae ko Israel jee vae iñemuña reta:

4“Pe reta peecha kërai ayapo Egiptoɨgua reta vae, jare peikuaa kërai pogüeru chekotɨ güɨraké ipepo re rami.

5Añave, peyeapɨsaka yave cheñee re jare peñovatu yave cheporogüɨrökuavee päve, peikota chembaerä mbae jepɨ yae vae rami

7Jayave ou Moisés jare oenɨi tëta iñemuña itenondegua reta, jare imiari chupe reta opaete kuae ñee yandeYa oyókuai vae.

8Jare opaete vae metei rami jei:

—Opaete yandeYa jei vae royapota ko.

Jare Moisés güɨraja omombeu yandeYa pe kuae tëta iñee,

9jayave yandeYa jei Moisés pe:

—Mase, ko che ayuta ndekotɨ metei amapɨtu pɨtumimbi yae vae re, Israel iñemuña reta oendu vaerä chemiari yave nde ndive, ndererovia reta vaerä jekuae avei.

Jayave Moisés omombeu yandeYa pe opaete vae iñee,

10jare yandeYa jei Moisés pe:

—Ekua emboyupavo jare toñeñono tee reta, añave jare pɨareve; toputuka reta jemimonde,

11jare toyupavo reta toñogüɨnoi kóeramo peguarä, echa mboapɨa ara pe, che peYa agüeyɨta opaete vae reta jesa róvai ɨvɨtɨ Sinaí re.

12Embojaanga eñono chupe reta ɨvɨtɨ iyɨ́vɨri rupi, rere reve chupe reta: Peyeandu, agüɨye peyeupi ɨvɨtɨ re, jare agüɨye ave peya yepe jókuae oñejäa oï vae re, oipotagüe oasa yave jókuae, tomano.

13Agüɨye kia ave toya; jökorai yave tomano ita pe ani uvɨ pe, kuimbae ani mɨmba yepe agüɨye toikove. Temimbɨ vecha-räti peguaHeb 12.18-20. oyeendu oñee yave ramo toyeupi reta ɨvɨtɨ re.

14Jare Moisés ogüeyɨ ou ɨvɨtɨ güi, jare omboyupavo oñeñono tee vaerä Israel iñemuña reta; oputuka reta jemimonde.

15Jei chupe reta:

—Peyupavo kóeramo peguarä; agüɨye pepoko kuña re.

16Jare mboapɨa ara pe, köe ma ou yave, ou amapɨtu pɨtumimbi vae ɨvɨtɨ opa oyasoi, ara jɨapu jare ama-vera,Ap 4.5. jare temimbɨñee täta yae vae; jare teyupa pe ñogüɨnoi vae reta opaetei orɨrɨi okɨɨye güi.

17Jare Moisés güɨnoe Israel iñemuña reta, güɨraja ñogüɨnoia güi oövaiti reta vaerä Tumpa; yogüɨraja reta oyemboɨ ɨvɨtɨ igüɨ pe.

18Jare ɨvɨtɨ Sinaí opaetei jätati, echa yandeYa ogüeyɨ jese tataDt 4.11-12; 5.4. ndive; jare tätati opüa ɨvate, horno güi tätati oë vae rami, jare opaetei ɨvɨtɨ täta yae okana.

19Jare temimbɨñee jeieteño ma täta yae oñee; Moisés imiari yave, Tumpa omboyevɨ chupe iñee ara jɨapu rami.

20YandeYa ogüeyɨ ɨvɨtɨ Sinaí iyapɨte re; jare yandeYa oenɨi Moisés jókuae ɨvɨtɨ iyapɨte kotɨ. Jare Moisés oyeupi.

21YandeYa jei Moisés pe:

—Egüeyɨ ekua ere Israel iñemuña reta pe, agüɨye toasa reta jókuae oyembojaanga oï vae chereecha reta vaerä, echa jeta yae ko omanota chugüi reta.

22Jaeramiño vi sacerdote reta oya chekotɨ vae toñeñono tee, agüɨye vaerä maratu ayapo reta.

23Jare Moisés jei yandeYa pe:

—Israel iñemuña reta ngaraa oyeupi ɨvɨtɨ Sinaí re, echa nde oreokuai rere reve: Embojaanga ɨvɨtɨ iyɨ́vɨri rupi, jare eñono tee.

24Ërei yandeYa jei chupe:

—Egüeyɨ ekua, jare eyeupi ye eyu Aarón ndive; ërei sacerdote reta jare Israel iñemuña reta agüɨye toasa oyembojaanga oï vae, oyeupi reta vaerä che aïa pe; agüɨye vaerä maratu ayapo reta.

25Jayave Moisés ogüeyɨ jare jei jökorai Israel iñemuña reta pe.