1 SAMUEL 12 - Guarani Bible with DC

Samuel oñemoñee tëta pegua reta pe

1Jayave Samuel jei opaete Israel iñemuña reta pe:

—Mase, aendu jare ayapo opaete pere cheve vae, jare añono peve peruvicha guasurä.

2Añave, ko oï peruvicha guasu pereroata vaerä. Che chendechi ma, ërei cheraɨ reta ñogüɨnoi pe reta ndive, che aiko pe reta ndive chetaɨrusu güive añave regua, kuae ara.

3Ko, aï peróvai: Oime yave apɨ̈ro kia igüeye, ani imburika, ani cheñee ndaye kia re, ani aiporarauka kia pe, ani aipɨɨ vɨari korepoti mbae re, pepuere chemboeko yandeYa jóvai jare mburuvicha guasu jóvai; jare tamboepɨ jókuae ayapogüe.

4Jayave jae reta jei chupe:

—Mbaetɨ etei mbae ikavimbae reyapo oreve, mbaetɨ reiporarauka oreve, jare mbaetɨ vi korepoti reipɨɨ vɨari pe, ani ïru mbae kuimbae reta ipo güi.

5Jare jae jei chupe reta:

—YandeYa jare mburuvicha guasurä peiparavo vae jovake mbaetɨ peväe teko cheré.

Jare jae reta jei chupe:

—¡Jökorai ko!

6Jayave Samuel jei opaete vae pe: “YandeYa oenɨi Moisés jare Aarón vae,

11Jayave yandeYa ombou Jerobaal,Jue 7.1. Barac,Jue 4.6. JeftéJue 11.29. jare Samuel1 S 3.20. pereepɨ vaerä perovaicho reta peɨ́vɨri ñogüɨnoi vae güi, jare peiko pɨagüive kuae ɨvɨ pe.

12Ërei peecha oporepeña peree mburuvicha guasu Nahas Amón pegua yave, peiporu cheve peruvicha guasurä,1 S 8.19. pereroata vaerä, oime reve peYa Tumpa peruvicha guasurä.

13Añave, ko oï mburuvicha guasu peiparavogüe, pe reta peiporu vae; yandeYa oñono peve peruvicha guasurä vae.

14Añave, peipoɨu yandeYa güi yave, peyeokuai yave chupe jare peendu iñee jare peyapo katu yave jae iporookuai, pe reta peruvicha guasu, jayave peiko kavita.

15Ërei mbaetɨ peyapo yandeYa iporookuai yave, peñeereenduä yandeYa kotɨ yave, jae oiporaraukata peve jare peruvicha guasu pe, peñemuñagüe reta pe oiporarauka rami.

16Jayave peäro, agüɨye pekua räri, pemae, jare peechata kuae mɨakañɨ tuicha vae yandeYa oyapota peresa róvai vae.

17Añave, trigo yagüɨye iara ko. Ërei ayerureta yandeYa pe, jare jae ombouta ama jare ararɨapu, peikuaa vaerä tuicha yae ko ikavimbae peyapo peiporu ramboeve peruvicha guasurä.”

18Jare Samuel oyerure yandeYa pe, jare yandeYa ombou omongɨ jare ararɨapu, jare opaete vae okɨɨye yae yandeYa güi jare Samuel güi.

19Jayave opaete vae jei Samuel pe:

—Eyerure yandeYa pe ore nderembiokuai reta re agüɨye vaerä romano; echa romoïru yé oreyoa reta roiporu kuae mburuvicha guasu vae pe.

20Jare Samuel jei chupe reta:

—Agüɨye pekɨɨye. Peyapo ko opaete ikavimbae, ërei agüɨye peyerova yandeYa güi, peyeokuai chupe opaete pepɨa ndive.

21Agüɨye pemboete tumpa-raanga, echa mbaetɨ ipuere oporomborɨ ani oporoepɨ echa jaangaño ko.

22Echa yandeYa, jae jee re ngaraa oeya imbae vae reta; echa yandeYa oipota pe reta peiko jae imbaerä.

23YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.

24Jaeño peipoɨu yandeYa güi, peyeokuai kavi chupe añete rupi opaete pepɨa ndive, pemaendúa jeta mɨakañɨ tuicha vae oyapo peve vae re.

25Ërei ngatu peapɨäño yave peyapo ikavimbae, pekañɨteita peruvicha guasu ndive.