1Jókuae ara opüata araɨgua Miguel
Ërei jókuae ara oasayepeta nerëtaɨgua reta,
opaete jee oyekuatía oï tupapire pe vae.
2Jeta omanogüe reta opüa yeta:
Amogüe opüata tekove iyapɨmbae peguarä,
ïru reta opüata ñemomarai peguarä jare mbaeporara iyapɨmbae peguarä.
3Yarakuaa katu vae reta omboesapeta, ara jembipe rami;
jeta vae omboe jupi re vae reta,
omboesapeta yasɨtata rami jekuae avei pegua.
4‘Ërei nde Daniel, kuae ñee reta jare tembikuatíaAp 22.10. eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’
5Che, Daniel amae, jare aecha mókoi kuimbae reta oyemboɨ ñogüɨnoi vae; metei oï ɨ̈aka jembeɨ kuae kotɨgua pe, ïru oï ɨ̈aka rovaicho pe.
6Jare metei jei kuimbae jemimonde lino pegua vae pe, ɨ re oyemboɨ oï ɨ̈aka pe vae pe: ‘¿Kërai yave pa oyembopota kuae mɨakañɨ guasu reta?’
7Jare aendu kuimbae ɨ iárambo oyemboɨ oï vae, jemimonde lino pegua vae iñee, jae omopüa ipo reta ara kotɨ, jare jei oikove avei vaeAp 10.5. jee re: ‘Mboapɨ año y medio rupi,Dn 7.25; Ap 12.14. tëta oñeñono tee vae imbaepuere oyemboai oiko vae iyapɨ ma yave outa oyembopo opaete kuaekuae reta.’
8Che aendu jeigüe, ërei mbaetɨ chepuere aikuaa, mbae ko oipota jei vae, jare jae: ‘CheYa, ¿maratuta pa kuaekuae reta jaɨkue rupi?’
9Jae jei cheve: ‘Mbaetɨta ndepuere reikuaa Daniel, echa kuae ñee reta oyeokenda opɨta ou ara iyapɨ oväe regua.
10Jeta vae reta oyetɨota, oñemotïiasɨta jare oñeñono teeta; jare iyoa vae reta jeieteñota oyapo mbaeyoa,Ap 22.11. metei ave iyoa vae reta ngaraa oikuaa, ërei yarakuaa katu vae reta oikuaata.
11Mil dosciento noventa ara oasata oyeopia güire mɨmba oyeyuka oñemee ara ñavo vae, mbae ikavimbae yae oyeapo vae ou regua oväe.Dn 9.27; 11.31; Mt 24.15; Mc 13.14.
12Oyeroviata ko jókuae ipɨaguasu reve kavi oäro vae, oupitɨ regua mil tresciento treinta y cinco ara.
13Jare nde reikota nderekove iyapɨ regua jare reputuuta, jare ara iyapɨ rupi repüata remboresive vaerä kuri ndembaerä oï vae.’ ”
Who We AreWhat We EelieveWhat We Do
2025 by iamachristian.org,Inc All rights reserved.
