1Che oporogüɨrovia vae reta itenondegua aikuatía kuae tupapire pe Tumpa peparavo vae, joko pe peyemboatɨ vae reta pe, che poaɨu añete vae re. Mbaetɨ cheño poaɨu, opaete añete vae oikuaa vae reta vi.
2Añete vae oï yanderé vae jeko pegua, oï aveita yande ndive jekuae avei pegua.
3YandeRu Tumpa jare Taɨ yandeYa Jesucristo ipɨakavi, iporoparareko jare ipɨakatu toï pe ndive añetete rupi jare mboroaɨu rupi.
Peï avei Cristo iporomboe re4Aikuaa yave joko pegua oporogüɨrovia reta yogüɨreko añete3 Jn 3. vae rupi, yandeRu yandeokuai vae rami.
5Jare añave pomoñera cherɨvɨ reta, mbaetɨ aikuatía peve mborookuai ipɨau vae rami, jaeño iyɨpɨ güive yaikuaa vae, jae ko yayoaɨuJn 13.34; 15.12,17. päve vaerä.
6Jare mborookuai jae ko, yaiko vaerä Tumpa iporookuai jei rami. Mborookuai jae ko, yaiko vaerä mboroaɨu rupi,Jn 14.15,23-24; 1 Jn 5.3. iyɨpɨ güive peendu rami.
7Echa kuae ɨvɨ pe jeta oë oporombotavɨ vae reta, jae reta mbaetɨ omombeu Jesucristo ko jae oyeapo kuimbaerä vae. Kuae jei vae, jae ko oporombotavɨ vae jare Cristo re oyemboyovaichoMt 7.15; 1 Jn 2.18; 4.1-3. vae.
8Peyeandu, agüɨye vaerä pemokañɨ peparavɨkɨ reta jekovia, jaeño pemboresive vaerä opaete pembaerä vae.
9Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.1 Jn 2.22-23; 4.15.
10Ou yave pépɨri kia, ërei mbaetɨ yave güeru peve kuae nunga mboromboe, agüɨye pemboresive pero pe, agüɨye vi pere chupe: “Ikavi yae ko reyu.”
11Echa pere yave chupe: “Ikavi yae ko reyu.” Peñemoïru ko jae ndive jembiapo ikavimbae pe.
Aipota aja pépɨri12Oime tëi anoi jeta aikuatía vaerä peve, ërei mbaetɨ aipota aikuatía peve tupapire rupi, echa aipota aja pépɨri ñanemiari vaerä oyoova pe etei,3 Jn 13-14. yayerovia yae vaerä.
13Ïru oporogüɨrovia vae Tumpa oiparavo vae reta omondo vi tamaraeme peve. ¡Amén!
Who We AreWhat We EelieveWhat We Do
2025 by iamachristian.org,Inc All rights reserved.
