1Manasés güɨnoi doce año omboɨpɨ oï mburuvicha guasurä yave; cincuenta y cinco año oiko mburuvicha guasurä Jerusalén pe. Ichɨ jee Hepsiba.
2Ërei oyapo ikavimbae yandeYa jesa róvai,
9Ërei jae reta mbaetɨ oendu. Manasés oasa ete oyapouka ikavimbae chupe reta tëtaguasu pegua reta jeko kavimbae, yandeYa opa omokañɨtei Israel iñemuña reta güi vae güi.
10Jáeramo yandeYa imiari jembiokuai ñeemombeúa reta rupi, jei reve:
11“Manasés mburuvicha guasu Judá pegua oyapo kuae teko pɨ̈chɨi jeko pegua, jare oasa ete oyapo ikavimbae opaete amorreo reta oyapo vae güi, ndei jae oiko mbove yogüɨreko vae reta güi, jare oyapouka vi mbaeyoa Judá pe, itumpa-raanga reta rupi.
12Jáeramo, che peYa Israel iTumpa jae körai: ‘Mase che aruta ikavimbae Jerusalén re jare Judá re, jare kia nunga vae oendu yave ombopɨakɨɨye yaeta.
13Ajäata Jerusalén, Samaria ajäa rami etei, jare Acab iñemuña reta ajäa rami; aeyata ikɨambae, metei ñae oyeyoe yave oyembovapɨ oñeñono rami.
14Jare opaete chembae vae reta jembɨregüe aeyata iyangarekoambae, ameeta jovaicho reta ipo pe, opa vaerä oyemombouka opaete jovaicho reta pe.
15Ikavimbae oyapo reta cheresa róvai jeko pegua chemboarasɨuka reta, iñemuñagüe reta ñogüɨnoe Egipto güi yave güive añave regua.’ ”
16Manasés jeta yae vi oyuka jekombae Jerusalén pe, jókuae iyoa rupi oyapouka mbaeyoa Judá pe vae güi, jökorai oyapo ikavimbae yandeYa jesa róvai.
17Ïru mbaembae Manasés regua, opaete oyapogüe, jare mbaeyoa oyapo vae, oyekuatía oï tembikuatía pe, Judá pegua mburuvicha guasu reta regua oyekuatía oïa pe.
18Jare Manasés omano yave oñotɨ reta jo iyɨpɨ pegua ko raɨ pe, ko raɨ Uza imbae pe; taɨ Amón oguapɨ jekovia pe mburuvicha guasurä.
Amón oiko mburuvicha guasurä Judá pe(2 Cr 33.21-25)19Amón güɨnoi veintidó año omboɨpɨ oï mburuvicha guasurä yave, jare mókoi año oiko mburuvicha guasurä Jerusalén pe. Ichɨ jee Mesulemet, Haruz tayɨ, jae ko Jotba pegua.
20Ërei oyapo ikavimbae yandeYa jesa róvai, tu Manasés oyapo rami,
21omomoe opaete tu jeko eteiño, omboete tumpa-raanga reta tu omboete vae reta.
22Oeya yandeYa iñemuñagüe reta iTumpa, mbaetɨ oiko yandeYa jemimbota rupi.
23Jare Amón imborɨa reta oñemopüa ikotɨ, jare oyuka reta jo pe.
24Ërei jókuae tëta pegua reta oyuka opaete jókuae mburuvicha guasu Amón kotɨ oñemopüa vae reta; taɨ Josías omboguapɨ reta jekovia pe mburuvicha guasurä.
25Ïru mbaembae Amón regua oyekuatía oï tembikuatía pe, Judá pegua mburuvicha guasu reta regua oyekuatía oïa pe.
26Oñotɨ reta jɨvɨa pe, ko raɨ Uza imbae pe; taɨ Josías omboguapɨ reta jekovia pe mburuvicha guasurä.
Who We AreWhat We EelieveWhat We Do
2025 by iamachristian.org,Inc All rights reserved.
