1Acaz, Jotam taɨ, Uzías jɨmɨmino oiko mburuvicha guasurä Judá pe pegua reta ndive.” Jayave mburuvicha guasu jare opaete vae orɨrɨi ipɨa okɨɨye güi, kaa pe ɨvɨra reta okana ɨvɨtu yave rami.
3Jayave yandeYa jei Isaías pe: “Ekua, nde jare nderaɨ Sear-jasub ndive peövaiti mburuvicha guasu Acaz, sekia ɨrɨru tuicha vae kotɨ ojo vae iyapɨ kotɨ, tape ojo Mbaeputuka renda kotɨ vae pe,
4jare ere chupe:
‘Eyeandu, jare eyembopɨaguasu;
agüɨye ekɨɨye jare agüɨye eyembopɨtu,
jókuae mókoi tatasɨgüe jätati ñogüɨnoi vae güi,
Rezín mburuvicha guasu Siria pegua güi
jare Peka, Remalías taɨ mburuvicha guasu Israel pegua pochɨ ñogüɨnoi vae güi.
5Siriaɨgua reta, tëtaguasu Efraín
pegua Remalías taɨ ndive
oyemongeta reta oyapo vaerä ikavimbae ndeve.
Jei reta körai:
6Yaike Judá pe, jare yamongɨɨye;
opa ñapɨ̈ro,
jare ñañono joko pe mburuvicha guasurä Tabeel taɨ.
7Ërei yandeYa jei:
¡Jókuae, ngaraai ko jökorai oasa!
8Tëta Damasco, jae ko kuae tëta guasu güi mburuvicha reta oporookuai vae, tëtaguasu Siria re.
Jare mburuvicha guasu Rezín ko oï tëta guasu Damasco pe.
Ërei sesenta y cinco año pe
tëtaguasu Efraín mbaetɨta ma oiko.
9Tëta Samaria, jae ko kuae tëta güi
mburuvicha reta oporookuai vae, tëtaguasu Efraín re,
jare Remalías taɨ ko oï mburuvicha guasurä tëta Samaria pe.
Pe reta mbaetɨ peporogüɨrovia avei yave,
mbaetɨta vi peiko jekuae avei.’ ”
Emanuel oata vae regua10YandeYa jei vi Acaz pe:
11“Eiporu cheve ndeyeupe mɨakañɨ reikuaa oyeapota ra vae, mɨakañɨ matɨ ɨvɨgüɨ kotɨ, ani ɨvate yae ara kotɨ vae.”
12Jare Acaz jei: “Mbaetɨta aiporu, ngaraa aeka kërai ajäa yandeYa.”
13Jayave Isaías jei:
“Peyeapɨsaka añave David iñemuña reta. ¿Mbaeä etei pa peve pemoambeko vaerä kuimbae reta, jare jökorai vi pemoambeko peï cheTumpa vae?
14Jáeramo, yandeYa etei oyapota mɨakañɨ peve:
Mase, ko metei kuñatai ndei etei
kuimbae ndive oasa vae ipuruata,
oata imembɨ metei kunumi raɨ,
jare ombojeeta Emanuel pe.
15Jouta guara jare ei, yarakuaa katu regua,
oikuaa regua güɨröɨro ikavimbae vae jare oiparavo ikavi vae.
16Echa michia raɨ ndei oikuaa güɨröɨro ikavimbae vae jare oiparavo ikavi vae mbove,
mókoi mburuvicha guasu reta rekɨɨye chugüi vae reta iɨvɨ oyeeyata ipombae.
17YandeYa güeruta nderé,
nerëta re jare mburuvicha guasu jo pegua reta re,
ara reta mbaetɨi jökorai vae,
arakae Efraín oyemboyao Judá güi güive vae.”
(Jókuae jae ko mburuvicha guasu Asiria pegua oporepeñata vae.)
18Jókuae ara rupi yandeYa güeruta mberu rami
mombɨrɨ Egipto iɨ̈aka rupi yogüɨreko vae reta,
jare güeruta kävee rami
Asiriaɨgua reta.
19Jare yogüeru retata oñeñono jugua ñavo rupi,
itakua reta rupi,
opaete ñana pɨte yuu katuai vae rupi,
jare opaete kaa rupi.
20Jókuae ara rupi yandeYa oiporuta
mburuvicha guasu Asiria pegua,
metei kɨse raɨ jaimbe yae vae rami,
matɨ ɨ̈aka Éufrates jovaicho kotɨ güi;
pɨpe oñapita Israel iñemuña reta
ia, itɨmaka-raa jare jendɨvaa.
21Jókuae ara rupi, metei ñavo vae güɨnoita metei guaka jare mókoi vecha,
22jare neche jeta vae jeko pegua jouta guara. Jare opaete oasayepegüe jouta guara jare ei kuae ɨvɨ pe.
23Jókuae ara rupi, tenonde yave uvarupa güɨnoi yepi mil temitɨ uva iyɨpɨ vae, jare jepɨ yepi mil reare korepoti pegua vae, opɨtata yuu reta jendaräño.
24Güɨrapa jare uvɨ ndiveño oiketa omaepïaro jokoropi vae, echa opaete jókuae ɨvɨ yuu katuaita opɨta.
25Ɨvɨtɨ reta oñemaetɨse pɨpe vae pe, ngaraa ma kia ojo oväe, yuu güi okɨɨye jeko pegua. Jaeño ikavita guaka jare vecha reta ikaruarä.
Who We AreWhat We EelieveWhat We Do
2025 by iamachristian.org,Inc All rights reserved.
