1Toyerovia ñuu, ɨvɨ ipombae vae;
tijokɨ ñana jare tipotɨ,
2tipotɨ jeta yeyé tumpa-ɨpɨ rami,
toyerovia jare tovɨakatu reta.
Tumpa omopörata, ɨvɨtɨ Líbano ipöra rami,
ipöra yaeta ɨvɨtɨ Carmelo rami jare ɨvɨtɨ päu ipe kavi vae Sarón rami.
Opaete vae oechata yandeYa iyemboetea,
ñaneTumpa imbaepuere tuicha yae vae.
3Pemomɨ̈rata ipɨtu vae reta.
Pemoäta ngatu ikangɨ vae reta.
4Pere okɨɨye vae reta pe:
“¡Peñemoäta ngatu, agüɨye pekɨɨye!
¡Mase, ko oï peTumpa pereepɨ vaerä,
oiporaraukata tovaicho reta pe, jeko reta oï rupi;
Tumpa etei outa pereepɨ vaerä!”
5Jayave, jesambae reta omaeta,
iyapɨsambae reta oenduta;
6iköcho vae reta oporiseta guasukaka rami,
jare iupa vae reta osapukaita oyerovia güi.
Echa ñuu güi, ɨvɨ otini yae vae güi oëta jeta ɨ osɨrɨ vae.
7Ñuu oyeapota ɨuparä,
ɨvɨ otini vae opɨtata ɨesaɨrä.
Aguarayaɨmba reta yogüɨrekosea rupi
oñemuñata käipepeño jare kapii reta.
8Jare jokoropi oimeta tape,
jókuae tape jeeta: “Tape Oñeñono tee vae”.
Mbaetɨta oasa jokoropi ikɨa oï Tumpa jóvai vae;
mbaetɨ iyarakuaa vae reta, ngaraa oguata kuae tape rupi.
9Jokoropi mbaetɨta oime yaguapope,
ngaraa oime ani ou jokoropi mbaeporou reta.
Oyeyoragüe retaño yogüeruta jokoropi,
10yandeYa oyoragüe reta oyerovata,
jae reta oiketa Sión pe tairari yerovia pegua ndive,
yogüɨreko aveita yerovia katu rupi,
güɨnoi retata yerovia katu,
opata okañɨ mbɨatɨtɨ jare yaeo.
Who We AreWhat We EelieveWhat We Do
2025 by iamachristian.org,Inc All rights reserved.
