LEVÍTICO 20 - Guarani Bible with DC

Tembiporara reta teko ikavimbae oyeapo vae re

1YandeYa jei Moisés pe:

2“Ere Israel iñemuña reta pe:

Oipotagüe Israel iñemuña reta ani ketɨgua reta yogüɨreko pepɨte pe vae omee yave imichia tumpa-raanga Moloc jee vae pe, tomano, jókuae tëtaɨgua reta toyapi toyuka ita pe.

3Jare che tayovaicho jókuae kuimbae kotɨ, jare tamokañɨtei jëtara reta ipɨte güi, taɨ omee tumpa-raanga Moloc jee vae pe jeko pegua, echa omongɨa chero mbaemboetea jare cheree ikɨambae.

4Ërei jókuae tëtaɨgua reta mbaetɨ yave oyuka ita pe jókuae kuimbae omee imichia tumpa-raanga Moloc jee vae pe,

5jayave che tayovaicho jókuae kuimbae kotɨ jare iñemuña reta kotɨ, jare amokañɨteita jëtara reta ipɨte güi opaete jae ndive yogüɨraja tumpa-raanga Moloc kotɨ vae ndive.

6Jare kia nunga vae ojo yave imbaekuaa vae reta kotɨ ani mbae maratuta vae oikuaa vae reta kotɨ, che tayovaicho ikotɨ, jare tamokañɨtei jëtara reta ipɨte güi.

7Peñeñono tee cheve, jare peiko iyoambae, echa che ko peYa Tumpa.

8Jare peñovatu pepɨa pe jare peyapo cheporookuai reta. Che ko peYa Tumpa, peñono tee iyeupeguarä vae.

9Kia nunga vae oyepopeyu yave tu re ani ichɨ re, tomano.

11Kia nunga vae opoko yave ichɨraanga re, mbaetɨ ko tu omboete; tomano opa reve. Jae reta aeño ko jeko iyeupe imano re.

12Kia nunga vae opoko yave taɨ jembireko re, tomano opa reve; echa ikavimbae yae ko oyapo reta;

14Kia nunga vae güɨreko yave kuña jare omoñemɨi ichɨ ndive yave; echa ikavimbae yae ko oyapo, peapɨ opa reve jekove reveño tata pe, agüɨye vaerä oime jókuae ikavimbae yae vae pepɨte pe.

15Metei kuimbae oasa yave mɨmba ndive, tomano. Jókuae mɨmba peyuka vi.

16Metei kuña oasa yave mɨmba ndive, jókuae kuña jare mɨmba peyuka peärombae reve. Jae reta aeño ko jeko iyeupe imano re.

17Kia nunga vae güɨreko yave jeindɨ, tu tee vae ani ichɨ tee vae, oyomboeteä ko, teko oporomomaraiuka vae ko oyapo reta; jókuae jeko pegua tomano mókoi reve jëta pegua reta jovake. Jókuae omboeteä jeindɨ vae, toiporara jeko re.

18Kia nunga vae opoko yave kuña jugüɨ reve oï vae re, jare kuña oñemaeño yave, omboyekuaa ko jugüɨ reve oï vae; mókoi reve toyemombo ete kavi jëtara reta ipɨte güi.

19Agüɨye pepoko peyaiche re ani pesɨɨ re, perëtara ete ko; jókuae oyapo vae reta toiporara jeko re.

20Kia nunga vae opoko yave itutɨ jembireko re, omboeteä ko itutɨ; toiporara reta jeko re, tomano reta imichiambae.

21Kia nunga vae omomegua yave tɨkeɨ ani tɨvɨ jembireko, omboeteä ko tɨkeɨ ani tɨvɨ. Ikavimbae yae ko oyapo, topɨta reta imichiambae.

22Peñovatu pepɨa pe jare peyapo opaete cheporookuai reta, agüɨye vaerä peyemombouka jókuae ɨvɨ pogüɨrajata peiko pɨpe vae güi.

23Agüɨye pemomoe jókuae ɨvɨ güi amoëta perenonde güi vae reta jeko; echa jae reta oyapo opaete kuae ikavimbae, jáeramo mbaetɨ chepɨaguasu chupe reta jeko re.

24Ërei che arökuavee peve peiko vaerä jókuae jae reta iɨvɨ iyarä, che amee jókuae ɨvɨ kavi pembaerä.

Che ko peYa Tumpa, peparavo ïru tëta reta güi vae.

25Jáeramo pe reta peikuaata mɨmba oyeu vae ani mɨmba oyeumbae vae, jare güɨra oyeumbae vae ani oyeu vae; agüɨye peyemongɨa kuae mɨmba reta rupi, güɨra reta rupi, mɨmba ipɨtía re oguata ɨvɨ re vae reta rupi, kuae reta che ambosɨrɨ pegüi peumbae vaerä.

26Peyoambae peiko cheve, echa che peYa iyoambae ko, che ko poparavo ïru tëta reta güi, peiko vaerä chembaerä.

27Kuimbae ani kuña oparavɨkɨ aña ndive vae ani imbaekuaa vae reta, toyeyuka oñeärombae reve ita pe; jae reta aeño ko jeko iyeupe imano re.”