1Año ciento setenta y dos pe, mburuvicha guasu Demetrio omboatɨ iejército reta jare oguata Media kotɨ oeka imborɨkarä Trifón re okua vaerä.
2Mburuvicha guasu Arsaces Persia jare Media pegua pe jërakua Demetrio oike iɨvɨ pe vae, jare omondo metei sundaro ruvicha oipɨɨ vaerä güeru jekove reve.
3Kuae sundaro ruvicha ojo, jare omoamɨri Demetrio iejército, oipɨɨ vi jae jare güɨraja Arsaces jóvai, joko güi omoinge tembipɨɨrɨru pe.
Mbaemboete Simón peguarä4Simón oiko ramboeve tuvicharä,
Judea pe oiko pɨagüive vae.
Oeka jupi vae jëta peguarä.
Opaete vae oyerovia katu
jae oiko ramboeve tuvicharä.
5Tuicha vae jembiapo pɨte pe,
opɨ̈ro ɨguasu jöke Jope pegua,
oipea tape tëta reta ɨguasu kotɨgua pe.
6Ombotuicha iɨvɨ iyapɨ
jare oyemboiya opaete ɨvɨ re.
7Opa omboyerova ye tembipɨɨ reta iɨvɨ kotɨ;
oyemboiya Gezer re, Bet-sur re
jare tëta mí Jerusalén pegua re,
jare güɨnoe joko güi opaete mbae ikɨa vae.
Mbaetɨ etei kia oyemboɨ chupe oyopia vaerä.
8Jokuaeɨgua reta omaetɨse yepi iko rupi vɨakatu reve,
ɨvɨ jetase yepi omee mbaagüɨye,
ɨvɨra reta ñuu rupigua ia güɨyeiä yepi.
9Ndechi reta oguapɨ yave okavɨte rupi,
imiarise yepi mbae iyerekua vae jare mbaeyekou re,
jare taɨrusu vae reta iyemboete
sundaro reta jemimonde pe.
10Simón omboataä tëta reta pe tembíu,
ombopota tembiporu yeopiaka pegua pe.
Jërakua mombɨrɨ rupi kuae ɨvɨ pe.
11Güeru ye vɨakatu tëta pe,
jare Israel oyeendu matɨ rupi iyerovia.
12Kia ñavo oguapɨ yepi uva jare ɨva iküaraɨa rupi;
mbaetɨ etei kia okɨɨye.
13Okañɨ tëta güi tekoasɨ iyapoa reta,
jare jókuae ara rupi opa iñamɨri mburuvicha tovaicho reta.
14Oepɨ jëta pegua oikoasɨ katu vae reta,
jare ombopaa jeko pɨ̈chɨi jare ipɨapochɨ vae reta.
Mbaetɨ etei opia mborookuai güi,
15omoembipe tupao
jare omboikokatu jeta tembiporu reta mbaemboete pegua pe.
Ombopɨau ye ñomoïru Roma jare Esparta ndive16Roma jare Esparta rupi jërakua yave Jonatán imano, ipɨatɨtɨ yae reta.
17Ërei oikuaa reta yave jëtara Simón oguapɨ jekovia pe sacerdote juvicharä, jare oyemboiya ko ɨvɨ guasu jare tëta re yave,
18ombaekuatía reta chupe jiero iyu vae ikupe re, ombopɨau vaerä iñomoïru jare yemongeta oyapo päve reta jëtara Judas jare Jonatán ndive vae.
19Kuae ñee omongeta reta opaete Jerusalén-ɨgua reta jóvai.
20Kuae jae jókuae tupapire güɨrajauka Espartaɨgua reta pe vae iñeïru:
“Tuvicha reta Esparta pegua omondo tamaraeme jëtara reta pe, sacerdote juvicha Simón pe, arakuaa iya reta, sacerdote reta pe yepe jare opaete tëta judío pe.
21Ñee jeroataa reta pembou orekotɨ vae imiari oreve perërakua jare petuicha yae vae re. Ore tuicha royerovia jae reta ou vae re.
22Roikuatía kuae pemiari vae tupapire tëta guasu pegua pe, kuae ñee ndive: ‘Numenio, Antíoco taɨ jare Antípatro, Jasón taɨ, judío reta iñee jeroataa, yogüeru rombopɨau oreñomoïru.
23Tëtaɨgua reta pegua ipöra roövaiti reta mbaemboete reve vae jare roñovatu jókuae tupapire iñeïru tëta guasu itupapire ipäu pe vae, Espartaɨgua reta imaendúa avei vaerä jese. Oyeapo vi kuae tupapire iñeïru sacerdote Simón peguarä.’ ”
24Kuae jaɨkue rupi, Simón omondo Numenio Roma kotɨ metei yeopiaka oro pegua tuicha vae ndive, ipoɨgüe güɨnoi cuatrociento treinta y seis kilo, ombopɨau vaerä yemongeta jae reta ndive.
Tembikuatía Simón jee re oyeapo vae25Israel-ɨgua reta oikuaa yave opaete kuae, jei: “¿Këraita pa yaechauka yandepɨakatu Simón jare taɨ reta pe?
26Echa jae, jëtara jare tu iñemuña reta mbaetɨ iyagüɨ oñoraro Israel jovaicho reta ndive jare opa omondɨi reta, jare omee reta tëta pe yeyora.” Jayave ombaekuatía reta jiero iyu vae ipe vae re, jare oñono reta ita oñemopüa vae re ɨvɨtɨ Sión pe.
27Jae kuae jókuae kuatía iñeïru:
“Ara dieciocho pe Elul yasɨ año ciento setenta y dos pe, mboapɨ año ma Simón oiko yave sacerdote ruvicharä, Asaramel pe,
28sacerdote reta, tëtaɨgua reta, tëta ruvicha reta jare jokuaeɨgua arakuaa iya reta iyemboatɨ guasu pe, omoërakua reta oreve kuae:
29Ñoraro reta oporombogüérai yae ma tëta pe ramboeve, Simón, Matatías taɨ, jare Joiarib iñemuña, jaeramiño vi jëtara reta, ñogüɨnoe jëta jovaicho reta jape pe, agüɨye vaerä itupao jare jembiokuai guasu reta okañɨtei; jare jökorai ombotuicha reta tëta.
30Jonatán omboatɨ jëta jare oiko sacerdote ruvicharä, ojo regua oñomoïru tamɨigüe amɨri reta ndive.
31Tovaicho reta omboɨpɨ opɨ̈ro tëta guasu pe jare opoko reta tupao re.
32Jayave Simón oyemboɨ chupe reta jare oñoraro jëta re; oiporu jeta ikorepoti tembiporu ogua vaerä jare omboepɨ vaerä jëta pegua sundaro reta pe,
33omotïi oñono tëta reta Judea jare Bet-sur Judea iɨvɨ iyapɨ rupi, joko pe tenonde yave oikose tovaicho reta jembiporu, jare oñono joko pe järoarä.
34Omotiɨ vi oñono Jope, ɨguasu jöke, jare Gezer jae ko Azoto iɨvɨ iyapɨ rupi, tenonde yave tovaicho reta oikose pɨpe vae, jare oñono joko pe judío reta, oeya vi mbaembae jókuae tëta reta oyeapo katu vaerä.
35Tëta oecha yave Simón iyeokuai katu yae jare ipɨa-kɨ̈reɨ ngatu jëta re oparavɨkɨ ombotuicha vaerä, ombojee reta juvicharä jare sacerdote ruvicharä, jeta yae ikavigüe oyapo ramo, jupi vae oechauka ramo, jare mbaetɨ iyapɨ ramo oparavɨkɨ jëta ombotuicha vaerä.
36Jae ipo rupi opa iñamɨri jókuae tëta pe itumpa ambuae vae reta jare oñemoëta David Jëta guasu pe vae reta, jae ko Jerusalén pe, tëta mí oyeapoa pe, joko güi oëse yepi omongɨa reta tupao iyɨ́vɨri, jare iyarasɨ reta jókuae tenda maraëɨ kotɨ.
37Oñono sundaro judío reta tëta mí pe, omotïi kavi oñono tëta guasu iyeopiaka, jare omopüa oguambɨ guasu Jerusalén pegua.
38Mburuvicha guasu Demetrio omoañete ye sacerdote ruvicharä,
39oñono mburuvicha guasu iñeïru reta ipɨte pe, jare tuicha rupi omboete,
40echa jërakua Romaɨgua reta oñomoïru judío reta ndive vae, oñoëtara jae reta ndive, jare oövaiti reta omboete reve Simón iñee jeroataa reta vae;
41judío isacerdote reta ndive omboguapɨ ye juvicharä Simón jare sacerdote juvicharä oiko avei vaerä vae, oyekuaa regua metei ñee imoërakuaa ete,
42-43jare oiko vaerä sundaro ruvicharä, omae vaerä tupao re, oiparavo vaerä japɨpe pe oparavɨkɨ vae reta, tëta guasu güɨroata vae reta, tembiporu jare ñepɨ̈roa reta, jare opaete vae oyapo vaerä iporookuai. Opaete tupapire reta oyekuatía jae jee re, jare omonde vaerä temimonde pɨ̈taasɨ vae jare broche oro pegua.
44Oipotagüe kia, ani sacerdote reta yepe mbaetɨta oyavɨ kuae mborookuai, mbaetɨta vi oyepɨtaso Simón iporookuai güi, ngaraa vi kia oporomboatɨ jae ipɨakotɨä, ani omonde yepe temimonde pɨ̈taasɨ vae jare oñono iyé broche oro pegua.
45Kia ñäteɨ yave oyapo jeigüe, oyemboepɨukata chupe.
46Opaete tëta ipɨapotaa rupi Simón pe oñemee oyapo vaerä kuae pe oyekuatía oï rami.
47Simón oiko ipɨakatu reve sacerdote reta juvicharä, sundaro ruvicharä, jare oporookuai vaerä judío jare sacerdote reta re, oï vaerä vi opaete teko avai reta oipoano vaerä.”
48Jei reta oyekuatía vaerä kuae ñee jiero iyu vae iárambo, jare oñeñono vaerä tupao joka pe, opaete vae oecha vaerä,
49jare oñeñovatu vaerä kuae tembikuatía iñeïru mbaeyekou rɨru pe, Simón jare taɨ retaño omae vaerä jese.
Who We AreWhat We EelieveWhat We Do
2025 by iamachristian.org,Inc All rights reserved.
