1Kuae jae oñemoñee vae iñee reta; jae ko David taɨ, mburuvicha guasu Jerusalén pegua. Jei körai:
2¡Mbaeä etei ko opaete mbaembae!
¡Jaangaño ko opaete mbaembae!
3¿Mbae pa kuimbae oväe opaete iparavɨkɨ rupi,
oyemoambeko mbatee oyapo kuae ɨvɨ pe vae güi?
4Oime omano vae, oime vi oa ramo vae,
ërei ɨvɨ jekuae avei oiko.
5Kuaraɨ oë, jare oike ye,
jarembae pegua ojo ye jenda pe oï, oë pɨau ye vaerä.
6Ɨvɨtu, oyepeyu arayevɨ kotɨ,
jare oyerova ye ɨvɨtuguasu kotɨ,
¡oyevɨ yevɨ jae yeño!
¡Jökorai omboɨpɨ pɨau ye oyepeyu!
7Opaete ɨ reta oa ojo ɨguasu pe,
ërei ɨguasu mbaetɨi tɨnɨe;
ɨ opa ye ojo oua kotɨ,
joko güi ou pɨau ye vaerä.
8Opaete mbaembae yemoambeko yae ko,
mbaetɨ kia ave oikuaa kuae re;
mbaetɨ kia ikuérai omae vae,
mbaetɨ kia ikuérai oyeapɨsaka vae.
9Mbaetɨta mbae ipɨau vae oyekuaa, oimeño mai vae güi,
mbaetɨta mbae ipɨau vae oyeapo, oyeapo ma vae güi.
¡Mbaetɨ mbae ipɨau vae, kuae ɨvɨ pe!
10Kia jei yave:
“¡Kuae ko jae mbae ipɨau oyeapo vae!”
Ërei jókuae ave oimeño mai ko oiko
arakae ndei yaiko mbove.
11Tenonde rupi mbae oasa vae reta güi opa ma ñaneakañɨ,
jökoraita vi taɨkue rupi oasata vae güi,
opa yeta iñakañɨ vae.
Oñemoñee vae kërai oikogüe12Che, añemoñee vae, aiko Israel pegua reta juvicha guasurä Jerusalén pe,
13añeñono opaete chepɨa ndive aeka jare aikuaa kavi vaerä arakuaa katu reve, opaete kuae ɨvɨ pe mbaembae oyeapo vae re. ¡Kuae mbaravɨkɨ tätagüe Tumpa omee kuimbae reta pe vae, jese oyemoambeko reta vaerä!
14Jare amae opaete kuae ɨvɨ pe oyeapo vae re, aecha opa reve mbaeä etei ko, yayemoambekoiño ma ko jese.
15¡Mbae ñape oï vae,
ngaraa yandepuere yambosɨmbi,
ngaraa yaipapaiño mbae ñanoimbae reve!
16Jayave jae cheyeupe: “Che chetuicha yae aï jare chearakuaa yae opaete tenonde rupi yogüɨreko mburuvicha guasurä kuae Jerusalén pe vae reta güi; chearakuaa yae opaete mbaembae pe.1 R 4.29-31.
17Añeñono opaete chepɨa ndive aikuaa vaerä arakuaa, añeñono vi aikuaa vaerä mbokere reta regua jare arakuaambae regua; jökorai aikuaa opaete kuae reta re yayemoambekoiño ma vae.”
18Echa jeta yae arakuaa ñanoi yave,
jeta yae vi yemoambeko,
jökorai vi jeta mbaembae re oikuaa vae,
jeta vi mbɨatɨtɨ oñeväe chupe.
Who We AreWhat We EelieveWhat We Do
2025 by iamachristian.org,Inc All rights reserved.
