1Ndepɨa kavi ïru vae pe,
jare metei ara jekovia yeta ndeve.
2Renoigüe emboyao ïru vae pe, oime renoi rupi,
echa mbaetɨ reikuaa ikavimbae outa kuae tëtaguasu re vae.
3Amapɨtu jeta güɨnoi ɨ yave,
okɨta ko ɨvɨ re.
Ɨvɨra oa yave arayevɨ kotɨ ani ɨvɨtuguasu kotɨ,
jókuae oaa pe ko opɨtata.
4Ɨvɨtu oyepeyu vae re omae vae, mbaetɨ omaetɨ;
jare amapɨtu re omae vae, mbaetɨ ombaarɨvo.
5Mbaetɨ reikuaa kerupi ko ojo ɨvɨtu,Jn 3.8. ani mbaetɨ vi reikuaa michia kërai ko okuakuaa ichɨ jɨe pe vae;Sal 139.13-16. jökorai ko mbaetɨ etei reikuaa Tumpa jembiapo reta regua, jókuae opaete mbaembae iyapoa.
6Remaetɨ ndeimbove yave jare kaaru yave, ërei mbaetɨ reikuaa kia nunga ko ikavita vae, tenonde oñeotɨ vae ra ani taɨkue oñeotɨ vae ra, ani ramo mókoi reve ra yagüɨye kavita.
7Tembipe re ñamae vae ikavi yae ko, jare ikavi yae vi ñamae kuaraɨ re vae;
8ërei yepe tëi amogüe oikopuku, oyerovia avei opaete ara oiko ramboeve; ërei eikuaa voi eï, pɨtumimbi ko ɨma yae eteta, jare opaete mbaembae oikota vae mbaeä etei ko.
Yemboarakuaa taɨrusu reta peguarä9Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.
10Embosɨrɨ ndeyeugüi arasɨ, jare embosɨrɨ ndeyeugüi ikavimbae, echa mbaeä etei ko taɨrusu vae reta iara.
Who We AreWhat We EelieveWhat We Do
2025 by iamachristian.org,Inc All rights reserved.
