1Jare jókuae kuimbae jekuae chemboyerovauka ye tupao jöke kotɨ. Jayave aecha ɨ oë öke igüɨ güi,Ɨvɨ jembeɨ regua
13Che peYa Tumpa jae körai: Köraita ko ɨvɨ jembeɨ pejäaNm 34.1-12. oyoupe, doce ñemuña Israel iñemuña peiko vae. José togüɨnoi mókoi yemboyao.
14Penoita pembaerä metei rami, che añererökuavee cheree re ae amee vaerä peñemuñagüe reta pe vae. Jáeramo kuae ɨvɨ pembaerä ko.
15Kuae ko jae ɨvɨ jembeɨrä ɨvɨtuguasu kotɨ rupi; Ɨguasu Mediterráneo jee vae güive oasata tëta guasu Hetlón rupi, jare oasata tëta Zedad,
16Berota, Sibraim rupi, ɨvɨ Damasco jare ɨvɨ Hamat ipäu pe tëta reta ñogüɨnoi vae; jare Hazar-haticón rupi, jae ko ɨvɨ Haurán jembeɨ pe.
17Jökorai ɨvɨ jembeɨ ɨvɨtuguasu kotɨgua oyemboɨpɨta Ɨguasu Mediterráneo jee vae güive tëta guasu Hazar-enán pe oväe regua; ɨvɨ Damasco jare ɨvɨ Hamat jembeɨ pe; kuae ɨvɨ reta opɨta reve ɨvɨtuguasu kotɨ chugüi.
18Ɨvɨ jembeɨ kuaraɨ oëa kotɨgua, oyemboɨpɨta Haurán jare Damasco ipäu kotɨ güi; ɨ̈aka Jordán rupi, jae ko Galaad jare ɨvɨ Israel ipäu rupi; jökorai ojoita oväe Ɨguasu Jembochɨ vae pe. Kuae ko jae ɨvɨ jembeɨ kuaraɨ oëa kotɨgua.
19Ɨvɨ jembeɨ arayevɨ kotɨgua oyemboɨpɨta Tamar güive ɨ yoaka pegua pe oväe regua; Cades jare ɨ̈aka Egipto rupi, Ɨguasu Mediterráneo pe oväe regua. Kuae ko jae ɨvɨ jembeɨ arayevɨ kotɨgua.
20Ɨvɨ jembeɨ kuaraɨ oikea kotɨgua, Ɨguasu Mediterráneo jee vae oïta ɨvɨ jembeɨrä, Hamat jóvai ojo oväe regua. Kuae ko jae ɨvɨ jembeɨ kuaraɨ oikea kotɨgua.
21Körai pemboyao kuae ɨvɨ peyeupe doce ñemuña ñavo Israel iñemuña reta peiko vae.
22Pemboyao ɨvɨ pembaerä suerte rupi, jare ketɨgua reta pepɨte pe yogüɨreko vae, imichia oa pepɨte pe vae reta pe vi. Pereko vi perëtaɨgua rami. Ɨvɨ pemboyao pembaerä suerte rupi yave, jökorai jae reta toike vi suerte rupi pepɨte pe, güɨnoi reta vaerä vi iɨvɨrä.
23Metei ñemuña vae ipɨte pe oiko ketɨgua yave, joko pe pemee chupe ɨvɨ jae imbaerä. Che peYa jae jökorai.
Who We AreWhat We EelieveWhat We Do
2025 by iamachristian.org,Inc All rights reserved.
