1Eliseo imiari jókuae kuña, jae ombogüera ye imembɨ chupe vae pe,
14Javoi Hazael oë Eliseo oïa güi jare ojo juvicha guasu oïa pe, jare jae jei chupe:
—¿Mbae pa jei ndeve Eliseo?
Hazael jei chupe:
—Jei cheve rekuerata ndembaerasɨ güi vae.
15Pɨareve pe Hazael oipɨɨ metei asoya jare omoäkɨ jare oñono mburuvicha guasu Ben-adad jova re, jare oyuka; javoi Hazael oguapɨ jekovia pe mburuvicha guasurä.
Joram oiko mburuvicha guasurä Judá pe(2 Cr 21.1-20)16Joram, Acab taɨ pandepo año ma oiko mburuvicha guasurä Israel pe yave, Joram, Josafat taɨ omboɨpɨ oï mburuvicha guasurä Judá pe.
17Treinta y dos año güɨnoi, omboɨpɨ oï mburuvicha guasurä yave, jare juri año oiko mburuvicha guasurä Jerusalén pe.
18Omomoe mburuvicha guasu Israel pegua reta jeko, jare Acab iñemuña reta jeko, echa jembireko jae ko Acab iñemuña pegua, jökorai oyapogüe reta mbaetɨ jaekavi yandeYa jesa jóvai.
19Kuaekuae reta reve yandeYa mbaetɨ oipota omboai ɨvɨ Judá, jembiokuai David oaɨu jeko pegua, echa chupe jare iñemuña reta pe güɨrökuavee yogüɨreko avei vaerä tembipe rami.
20Joram oiko mburuvicha guasurä yave, Edom pegua reta oñemopüa JudáGn 27.40. imbaepuere pe yogüɨreko vae re jare oñono reta iyeupe juvicha guasurä.
21Jayave Joram ojo Zair kotɨ opaete ikäretou ñeraro pegua ndive; jare pɨ̈tu yave oïraro reta Edom pegua reta, oñeovauka ñogüɨnoi käretou pegua sundaro ruvicha reta ndive vae ndive jare opa otekuarai reta.
22Jökorai Edom oyeyora Judá imbaepuere güi añave rupi. Jökorai oyeyora vi tëta guasu Libna jókuae ara rupi.
23Opaete Joram oyapogüe, oyekuatía oï tembikuatía pe, Judá pegua mburuvicha guasu reta regua oyekuatía oïa pe.
24Joram omano; oñotɨ reta iñemuñagüe David Jëta guasu pe. Taɨ Ocozías oguapɨ jekovia pe mburuvicha guasurä.
Ocozías oiko mburuvicha guasurä Judá pe(2 Cr 22.1-6)25Joram, Acab taɨ, doce año ma oiko mburuvicha guasurä Israel pe yave, Ocozías, Joram taɨ omboɨpɨ oï mburuvicha guasurä Judá pe.
26Veintidó año güɨnoi Ocozías omboɨpɨ oï mburuvicha guasurä yave, jare metei año oiko mburuvicha guasurä Jerusalén pe. Ichɨ jee Atalía, Omri mburuvicha guasugüe Israel pegua jɨmɨmino.
27Ocozías omomoe Acab iñemuñagüe reta jeko, echa Acab jovaya ko, jáeramo oyapogüe mbaetɨ jaekavi yandeYa jesa róvai.
28Ocozías oñomoïru Joram, Acab taɨ ndive oñeraro vaerä Hazael mburuvicha guasu Siria pegua ndive, Ramot pe, ɨvɨ Galaad pe. Ërei Siriaɨgua reta ombopere Joram,
29jare mburuvicha guasu Joram oyerova ye Jezreel kotɨ oñepoano vaerä iperegüe güi, Siriaɨgua reta ombopere Ramot jóvai oñeraro yave, Hazael mburuvicha guasu Siria pegua ndive. Jayave, Joram imbaerasɨ oï ramo, Ocozías ojo Jezreel pe omae vaerä jese.
Who We AreWhat We EelieveWhat We Do
2025 by iamachristian.org,Inc All rights reserved.
