JEREMÍAS 38 - Guarani Bible with DC

Jeremías ɨrɨru pe

1Sefatías, Matán taɨ, Gedalías, Pasur taɨ, Jucal, Selemías taɨ jare Pasur, Malquías taɨ, oendu reta Jeremías iñee opaete tëta pegua reta pe, jei:

2“YandeYa jei: ‘Kuae tëta guasu pe opɨta vae omanota ñeraro rupi, karuai ani mbaerasɨ ovakatu vae rupi; ërei ngatu oë oñemee Caldeaɨgua reta ipo pe vae, ngaraa omano; güɨroasayepeta jekove.’ Etiopíaɨgua, mburuvicha guasu jo pegua, oikuaa Jeremías oñono reta ɨrɨru pe. Jare mburuvicha guasu oguapɨ oñono kavi teko oï öke Benjamín jee vae pe.

8Jayave Ebed-melec oë mburuvicha guasu jo güi, jare ojo omomiari mburuvicha guasu, jei reve:

9—Cheruvicha guasu, kuae kuimbae reta oyapo ikavimbae ñeemombeúa Jeremías pe, ombogüeyɨ reta kuae ɨrɨru pe vae; echa yɨmbɨaɨ joko pe oyukata ko, echa mbaetɨ yé ma tëta guasu pe mbɨyape.

10Jayave mburuvicha guasu oyókuai jókuae Etiopíaɨgua Ebed-melec yeño, jei reve: “Eeka ndeyeupe treinta kuimbae reta kuae güi, jare enoeuka ñeemombeúa Jeremías ɨrɨru güi, ndei omano mbove.”

11Jare Ebed-melec oeka kuimbae reta, jare oike mburuvicha guasu jo ɨvɨkotɨgua pe, mbaembae oñeñovatúa pe, jare güɨnoe joko güi tarapo indechigüe jare temimonde ipächagüe; jare tɨmasa pe ombogüeyɨ Jeremías pe jókuae ɨrɨru pe.

12Jare jei Jeremías pe:

—Añave eyemboendapɨgüɨrupa jókuae tarapo indechigüe jare temimonde ipächagüe pe, javoi tɨmasa eñono iárambo.

Jare Jeremías jökorai oyapo.

13Jökorai güɨnoe reta Jeremías tɨmasa pe ɨrɨru güi; jare opɨta tembipɨɨrɨru joka pe.

Sedequías oparandu vɨari Jeremías pe

14Taɨkue rupi mburuvicha guasu Sedequías omondo güeruruka ñeemombeúa Jeremías jae oïa pe, yandeYa jo jöke mboapɨa pe. Jare jei chupe:

—Aparanduta ndeve, agüɨye etei eikuaku chegüi metei ave mbae.

15Jare Jeremías jei Sedequías pe:

—Amombeu ndeve añetegüe yave, cheyukaukata ko; jare romboarakuaa yave ngaraa reendu cheve.

16Jare mburuvicha guasu Sedequías jei vɨari Tumpa jee re Jeremías pe, körai:

—YandeYa kuae tekove omee yandeve vae jee re, ngaraa royuka, ngaraa vi romee kuimbae reta oipota ndeyuka vae ipo pe.

17Jayave Jeremías jei Sedequías pe:

—YandeYa Imbaepuere yae ete vae, Israel iTumpa, jei: “Reñemee jupiveiño mburuvicha guasu Babilonia pegua iyɨvɨrigua mburuvicha reta pe yave nde jare ndero pegua reta oikoveñota jare kuae tëta guasu ngaraa opa oyeapɨ.

18Ërei mbaetɨ reñemee chupe reta yave, Caldeaɨgua reta opɨ̈rota kuae tëta guasu jare opata oapɨ reta, jare nde ngaraa reasayepe chugüi reta.”

19Sedequías jei:

—Aipoɨuño añemee, echa güɨramoi Caldeaɨgua reta chemeeta Judá pegua reta oasa ikotɨ reta vae ipo pe, jare oyuvangata cheré reta.

20Jeremías jei chupe:

—Cheruvicha guasu, ngaraa rea jae reta ipo pe. Eyeapɨsaka yandeYa iñee che amombeu aï ndeve vae re, reo kavi vaerä jare reroasayepe vaerä nderekove.

21YandeYa oechauka cheve kuae oasata vae; mbaetɨ yave reñemee;

22opaete kuña reta opɨta mburuvicha guasu Judá pegua jo pe vae, oñerenoeta oñemee Babilonia pegua mburuvicha guasu iyɨvɨrigua mburuvicha reta ipo pe; jare jókuae kuña reta etei jeita:

“Mburuvicha guasu,

ndevɨa-ïru ikavigüe reta ndembotavɨ jare nemoamɨri;

omaeño ndepɨ oike tuyuapo yasuru vae pe,

javoi ikupe omee reta ndeve.”

23Jare Jeremías jei ye mburuvicha guasu pe:

—Opaete nderembireko jare nemichia reta oñemeeta Caldeaɨgua reta ipo pe, jare nde ngaraa retekuarai chugüi reta, reata Babilonia pegua mburuvicha guasu ipo pe, jare oapɨ retata kuae tëta guasu.

24Jayave Sedequías jei Jeremías pe:

—Agüɨye etei emombeu kia pe kuae regua, neäteɨ remano yave.

25Mburuvicha reta oikuaa yave kuae chemiari nde ndive vae, yogüeruta jare oparanduta ndeve mbae ra rere cheve vae, jare che mbae ra jae ndeve; oiporu retata ndeve nemiari vaerä chupe reta opaete kuae re, agüɨye vaerä ndeyuka.

26Ërei nde ere chupe reta, chemoñera ko agüɨye vaerä che romondo ye tembipɨɨrɨru oï Jonatán jëta pe vae pe, agüɨye vaerä remano joko pe.

27Jare yogüeru opaete mburuvicha reta Jeremías pɨri, oparandu vaerä chupe, ërei jae jei chupe reta mburuvicha guasu oyókuai rami etei. Jayave oeya reta, echa mbaetɨ kia oikuaa mbae re ko imiari reta vae.

28Jare Jeremías opɨta tembipɨɨrɨru joka pe, Jerusalén oa regua tovaicho reta ipo pe.