1Job jekuae jei ye:
2Jeta ma aendu kuae nunga yemongeta,
oporomoambeko vae pe reta.
3¿Iyapɨtaä ra ñee osirivembae?
Ani mbae pa nemoäta ngatu cheñee-pɨndekua vaerä.
4Che chepuere vi ko cheñee amoë pe reta rami,
pe reta che rami peï yave,
che chepuere vi jeta mbae jae pekotɨ,
jare añeäkambovava amae peré.
5Ërei che yave, pomoäta ngatuta ko cheñee pe,
jare cheporombopɨakatu rupi oasata ko mbae jasɨ pegüi.
6Cheñee amoë yave, mbaetɨ opɨta mbae jasɨ chegüi,
mbaetɨ cheñee amoë yave jaeramiño vi.
7Ërei añave Tumpa opɨ̈ro chepɨ̈rata,
omokañɨtei chegüi opaete chero pegua reta,
8cheñono tembipɨɨrɨru pe rami,
jare kuae chepiru vae imiari rami cheré,
chemboeko jaanga reta.
9YandeYa iyarasɨ rupi oiporarauka cheve,
jäi ombokɨrɨrɨu chekotɨ mbaeporou rami,
omaeäta cheré jovaicho rami.
10Jeta vae reta oyomboatɨ chekotɨ,
jova ambuae omae reta cheré,
cherovapete reta ñemomarai pe.
11Tumpa chemee iyapu vae reta pe,
chereitɨ iyoa vae reta ipo pe.
12Ikavi yae aja tëi, ërei opa chemboai,
cheayupɨɨ jare opa chemondoro ndoro,
jare cheñono cheɨ̈voJob 7.20. vaerä juvɨ pe.
13Opaetei chekëse reta,
cheɨ̈vo cherete rupi, mbaetɨ cheparareko;
chechuri oyepɨyere ɨvɨ pe.
14Omboyoaɨkue ɨkue chembopere,
ou cheve ñeraro regua ou rami.
15Ayemonde temimonde mbɨatɨtɨ pegua pe,
cheäka añono ɨvɨkúi pe.
16Cheresa iruru ma ayaeoagüe,
jare jäve ma amae,
17yepe tëi mbaetɨ ikavimbae ayapo,
yepe tëi cheyerure jupi rupi.
18¡Ɨvɨ, agüɨye eñomi cherugüɨ!
¡Cheräse toyeendu oipota rupi!
19Ërei ara pe oime oï chereecha vae,
imiari kavita cheré vae oime oï ɨvate.
20Chemotareɨ chevɨa-ïru reta,
ërei che Tumpa jóvai apɨyereta cheresaɨ.
21¡Mbae mona oime kia oyoaka cheve Tumpa ndive;
kuimbae oyoaka japicha ndive rami!
22Ërei outa cheara reta iyapɨ,
jare che ajata tape yayu yembae vae rupi.
Who We AreWhat We EelieveWhat We Do
2025 by iamachristian.org,Inc All rights reserved.
