1YandeYa Tumpa jei cheve:
2“Nde kuimbae, emae ɨvɨtɨ Seir kotɨ,Is 34.5-17; 63.1-6; Jer 49.7-22; Ez 25.12-14; Am 1.11-12; Abd 1-14; Mal 1.2-5. jare emoërakua ikotɨ maratuta oasa vae.
3Ere chupe:
‘YandeYa Tumpa jei körai:
Ɨvɨtɨ Seir,
che ayovaicho ndekotɨ.
Aiporaraukata ndeve,
opata romboai, roeyata ipombae,
4Opata amboai nerëta guasu reta.
Repɨtata ipombae.
Jayave reikuaata che ko jae Tumpa vae.
5Nde reyovaicho avei Israel iñemuña reta kotɨ, jae reta oiporara yae ñogüɨnoi iyoa re yave, nde reporepeña jese reta.
6Jáeramo che Tumpa jae cheyé aeño: Romeeta mano ipo pe, jare mano neraɨkuemoñata; echa mbaetɨ reipoɨu reporoyuka, jáeramo jae tandemboai.
7Ɨvɨtɨ Seir opata amboai, aeyata ipombae, jare mbaetɨ yeta ma kia oasa jokoropi.
8Jókuae ɨvɨtɨ reta, ɨvɨtɨ päu ipe kavi vae reta jare ɨ̈aka reta tɨnɨeta ñeraro pe omano vae reta jëogüegüe pe.
9Romboaita jekuae avei pegua, nerëta guasu reta ngaraa ye ma oñemopüa pɨau ye. Jayave chekuaata che ko jae Tumpa vae.
10Echa rere: Israel iñemuña reta iɨvɨ mókoi reve chembaerä ko, yepe tëi Tumpa oï joko pe.
11Jáeramo, che Tumpa jae cheyé aeño: Aiporaraukata ndeve, ndearasɨ yae rami, Israel pegua reta remotareɨ yae ramo kërai reyapo rami. Aiporarauka ma ndeve yave, jae reta chekuaata.
12Jayave reikuaata che Tumpa aendu ko opaete mbae jasɨ katu vae rere Israel pegua ɨvɨtɨ reta kotɨ vae. Echa pere: ¡Opa oyemboai reta, jare añave jëgua ma yandepo pe oï vaerä!
13Pe reta peyembotuicha chekotɨ peñee rupi, jeta ñee ikavimbae pere chekotɨ. Che aendu ko.
14Che Tumpa jae körai: Opaete vae ɨvɨ pegua reta oyerovia vaerä, che opata romboai.
15Nde reyerovia yae Israel iñemuña reta iɨvɨ opa oyemboai yave, jökorai eteita reasa; repɨtata ipombae ɨvɨtɨ Seir, opaete ɨvɨ Edom. Jayave reikuaata che ko jae Tumpa vae.’ ”
Who We AreWhat We EelieveWhat We Do
2025 by iamachristian.org,Inc All rights reserved.
