1Salomón opa ma oyapo yave tupao yandeYa peguarä, jare mburuvicha guasu jo; jare opaete Salomón oyemongeta oyapo vaerä vae yave,
2yandeYa oyekuaa chupe mokoía ma, Gabaón Jökorai jee añave rupi.
14Hiram ombou Salomón pe oro vae ko oupitɨ tres mil noveciento sesenta kilo.
15Kuae jeko pegua mburuvicha guasu Salomón omee mborookuai oyeapo vaerä yandeYa itupao, mburuvicha guasu jo, Milo, Jerusalén ikësea, jökoraiño vi tëta Hazor, Meguido jare Gezer.
16Echa Faraón mburuvicha guasu Egipto pegua ou yepe opɨ̈ro tëta Gezer, opa oapɨ jare opa oyuka cananeo reta pɨpe yogüɨreko vae, javoi ombopota jókuae tëta guasu pe tayɨ Salomón jembireko.
17Jayave Salomón omopüa ye Gezer, jare Bet-horón ɨvɨ kotɨgua,
18Baalat jare Tadmor, ñuu pe ɨvɨ Judá pe.
19Jökoraiño vi omopüa ye opaete tëta guasu reta tembíu omboɨru pɨpe vae, jare käretou ñeraro pegua reta jenda, jare kavayu regua reta jëta, jare opaete Salomón ikɨ̈reɨ oyapo Jerusalén pe vae, Líbano pe jare opaete ɨvɨ güɨnoi ipo pe vae pe.
20Opaete tëta Israel iñemuña peguambae opɨtagüe reta, amorreo reta, Het iñemuña reta, ferezeo reta, heveo reta jare jebuseo reta,
21iñemuñagüe reta opɨta jókuae ɨvɨ pe vae, Israel iñemuña reta mbaetɨ ipuere omokañɨtei vae, Salomón omombaravɨkɨ yae reta, jökorai yogüɨreko añave rupi.
22Ërei mbaetɨ metei ave omombaravɨkɨ Israel iñemuña reta tembiokuai rami, jaeño oñono ñeraro reguarä, sundaro juvicharä, käretou iyangarekoarä, jare kavayu reguarä.
23Mbaravɨkɨ re omae vae reta Salomón ipo pe ñogüɨnoi vae, oupitɨ quiniento cincuenta, kuae reta oporomombaravɨkɨ mbae oyeapo vae re.
24Faraón tayɨ oyakavo David Jëta Guasu güi mburuvicha guasu Salomón oyapo o chupe vae pe. Jayave Salomón oyapo Milo.
25Mboapɨ vese año pe,Ex 23.17; 34.23; Dt 16.16. Salomón omee mɨmba oyeyukagüe opaetei oyeapɨ vae, jare yembopɨakatu pegua, mɨmba oyeyuka oyeapɨ jese vae jae oyapo yandeYa pe vae re, jare oapɨ ikäti kavi vae incienso yandeYa jóvai. Jökorai oyapo reta opa tupao oyapo güire.
26Mburuvicha guasu Salomón oyapo vi barco reta Ezión-geber pe, Elot iyɨpɨ pe Ɨguasu Pɨ̈ta vae jembeɨ pe, ɨvɨ Edom pe.
27Hiram omondo jókuae barco reta pe jembiokuai reta, oikatu ɨ rupi oguata vae reta Salomón jembiokuai reta ndive.
28Kuae reta yogüɨraja Ofir pe jare güeru reta joko güi oro, catorce mil kilo seri, jare güɨraja reta mburuvicha guasu Salomón pe.
Who We AreWhat We EelieveWhat We Do
2025 by iamachristian.org,Inc All rights reserved.
