1Mberu omanogüe
omoine mbae ikäti kavi yae vae.
Jökorai ko, mbae michi vae rupi oñererokomegua iyarakuaa vae jare imboetea yae vae.
2Yarakuaa vae iyemongeta, ikavi vae reño,
ërei yarakuaambae iyemongeta, ikavimbae kotɨño.
3Yarakuaambae, opaete mbaembae oyapo vae rupi ave oata chupe arakuaa.
Jare opaete vae pe oechauka iyarakuaambae ko vae.
4Mburuvicha iyarasɨ ndeve yave,
agüɨye emboasɨ,
echa mbɨaguasu rupi ko oñemoroɨ̈sa arasɨ.
5Oime aecha ikavimbae kuae ɨvɨ pe oyeapo vae, jókuae ikavimbae mburuvicha reta güi etei oë, jae ko:
6Oñono reta mburuvicharä yarakuaambae; ërei yarakuaa vae reta mbaetɨ mbaererorä yogüɨreko.
7Aecha tembiokuai reta oguata kavayu re, jare mburuvicha reta ipɨ re, tembiokuai reta rami.
8Ɨvɨkua oyoo vae,
jae yeño ko oata pɨpe.
Tëta ikësea oyoka vae,
oichuuta mboi.
9Ita oñopa vae,
oyembopereta ko pɨpe.
Yepea oyoka vae,
ipuere ko oyeasɨa.
10Yɨɨ jaimbepa yave,
jare mbaetɨ yambojaimbe ye yave,
tätata ma yakua ɨvɨra re.
Ikavi yae ko mbaembae yayapo arakuaa reve kavi.
11Mboi imombɨraea oyesuuka yave ndei omombɨrae mbove,
osiriveä ko opɨrae vae.
12Yarakuaa vae iñee reta rupi oyemboeteuka,
ërei yarakuaambae, iñee rupi aeño oyemboai;
13omboɨpɨ imiari rupive jei opaño ñee osirivembae,
jare güɨraja omboapɨ ñee ikavimbae yae pe.
14¡Yarakuaambae jekuaekuae oväe mbae jei vaerä!
¿Kia pa oikuaaukata chupe mbae ra ko oasata kuri vae?
Echa ko mbaetɨ etei kia ave oikuaa mbae ra ko oasata kuri vae.
15Yarakuaambae oyemokangɨ yae mbaravɨkɨ pe,
mbaetɨ oikuaa tëta guasu kotɨ tape ojo vae ave.
16¡Paravete tëtaguasu, juvicha guasu taɨrusu yae vae,
jare juvicha reta iarete reteiño vae!
17¡Oyerovia ko tëtaguasu, juvicha guasu imboetea yae vae,
jare mburuvicha reta okaru iora pe kavi, jete pɨ̈rata reta vaerä vae,
mbaetɨ okau reteiño vaerä!
18Ipokosembae re oa jo jovapɨa,
iyakɨ vae güi opaetei jo osururu.
19Yavɨakatu vaerä ko oyeapo arete,
vino yau, yayerovia vaerä,
ërei ñanoita korepoti jókuae reta peguarä.
20Ndepɨa pe ave agüɨye mbae ere mburuvicha guasu kotɨ.
Agüɨye mbae ere oikokatu vae kotɨ, nde aeño reï ndero pe yave ave,
echa güɨra reta ipuere ko yogüɨraja omombeu chupe.
Who We AreWhat We EelieveWhat We Do
2025 by iamachristian.org,Inc All rights reserved.
