1Jayave oikuaauka reta David pe jei reve: “Filisteo reta opüa Keila re, jare opɨ̈ro reta trigo oyepoo ramo oyemboatɨ oï vae.”
2Jare David oparandu yandeYa pe jei reve:
—¿Ajata pa añeraro filisteo reta ndive?
Jare yandeYa jei chupe:
—Ekua eñeraro jare eepɨ tëta guasu Keila.
3Ërei jae ndive ñogüɨnoi vae reta jei David pe:
—Mase, kuae Judá pe roï vae reta rokɨɨye, jayave Keila pe rojo vaerä rokɨɨye yaeta ko roñeraro filisteo reta ndive.
4Jayave David oparandu ye yandeYa pe, jare yandeYa jei:
—Epüa jare ekua Keila pe, che ameeta ndepo pe filisteo reta.
5Jayave ojo David jare kuimbae reta jae ndive ñogüɨnoi vae ndive Keila kotɨ, jare oñeraro filisteo reta ndive. Omoamɨri ete kavi, opa güɨraja jɨmba reta chugüi. Jökorai David oepɨ Keila pegua reta.
6Abiatar, Ahimelec taɨ otekuarai ojo oñemoïru vaerä David ndive Keila pe yave, güɨraja ipo pe temimonde iyɨvambae sacerdote pegua.
7Jare Saúl pe oikuaauka reta David oime tëta Keila pe vae yave, jei: “Tumpa omee chepo pe echa oike tëta guasu jöke oyeokenda vae japɨpe pe.”
8Javoi Saúl omboatɨ opaete isundaro reta yogüɨraja vaerä Keila kotɨ oipɨɨ David, jare jae ndive kuimbae reta ñogüɨnoi vae.
9Ërei David oikuaa yave Saúl oyemongeta kaviä ikotɨ, jei sacerdote Abiatar pe, güeru vaerä temimonde iyɨvambae sacerdote pegua oparandu vaerä Tumpa pe.
10Jare David jei:
—CheYa Israel iTumpa, che nderembiokuai aendu Saúl opüata kuae tëta Keila re omokañɨtei vaerä che chereko pegua.
11¿Keila pegua reta chemeeta pa jae ipo pe? ¿Outa pa Saúl aikuaa aï rami? ¡Romoñera cheYa Israel iTumpa, emombeu cheve!
Jare yandeYa jei chupe:
—Saúl outa.
12Javoi David oparandu chupe:
—¿Chemeeta pa Keila pegua reta Saúl ipo pe? ¿Che jare cherupiegua reta?
Jare yandeYa jei:
—Pemeeta jae ipo pe.
13Jayave David jare jupiegua seisciento kuimbae ndive, ñogüɨnoe Keila güi, jare oguata yogüɨreko. Saúl oikuaa David otekuarai ma Keila güi vae, jare mbaetɨ ma oporepeña Keila re.
David oiko ñuu pe14Jare David opɨta ñuu Zif jee vae pe, ɨvɨtɨ raɨ re ñepɨ̈roka oï vae pe, Saúl oeka ara ñavo, ërei Tumpa mbaetɨ omee chupe.
15David okɨɨye oiko Saúl güi, echa oeka oyuka vaerä. Jáeramo opɨta oiko Hores pe ñuu Zif pe.
16Jare Jonatán Saúl taɨ opüa ou Hores pe David oïa pe, jare omoäta ngatu Tumpa jee re,
17jei chupe:
—Agüɨye ekɨɨye, echa cheru Saúl ngaraa neväe. Nde ko reikota mburuvicha guasurä Israel pe, jare ndeɨvɨriguarä che aikota. Kuae re cheru oikuaa ko oï.
18Jare oyapo reta morogüɨrökuavee päve yandeYa jee re,David iñɨ̈ro Saúl pe
29Joko güi David ojo oiko ñepɨ̈roka oï En-gadi pe vae rupi.
Who We AreWhat We EelieveWhat We Do
2025 by iamachristian.org,Inc All rights reserved.
