1Jupi vae reta, peyerovia yandeYa re,
ipɨa jupi vae reta ikavi yae ko ombaemboete yave.
2Peräsémbai pesapúkai yandeYa pe,
tembiporu tairari pegua arpa ipu ndive,
ngitara ndive jare arpa rami vae ndive.
3Petairari chupe, tairari ipɨau vae pe,
¡pembaembopu kavi chupe yerovia katu reve!
4Echa yandeYa iñee añete ko;
opaete jembiapo reta omboyekuaa iñee añete vae.
5Jae oaɨu jupi rupi kavi jare isɨmbi rupi oyeapo vae,
iporoparareko tɨnɨe opaete ɨvɨ.
6YandeYa oyapo ara reta iñee peño,
ipɨ̈túe
jae oiparavo imbaerä vae.
13YandeYa omae ara güi,
jae oecha opaete vae reta.
14Jae oikoa güi omae,
opaete ɨvɨ pegua reta re.
15Jae ko oyapo opaete vae reta ipɨa,
jae oikuaa opaete vae jembiapo reta.
16Mburuvicha guasu mbaetɨ ko oyereroasayepe jeta sundaro güɨnoi ramo,
ani jëia yae vae mbaetɨ ko ojoyepe ipɨ̈rata yae jeko pegua;
17kavayu mbaetɨ ipuere oporogüɨroasayepe;
yepe tëi ipɨ̈rata yae.
18YandeYa oyangareko oipoɨu chugüi vae reta re,
oäro iporoparareko re vae reta,
19güɨroasayepe vaerä jekove mano güi,
omee vaerä oikoveño oiko karuai iara pe.
20Ore royeko yandeYa re;
¡jae oremborɨ jare oreangareko!
21Jáeramo royeroviata jese,
echa royeko yae jee ikɨambae re.
22¡Ndeporoparareko, toiko ore ndive, oreYa,
roäro nderé rami!
Who We AreWhat We EelieveWhat We Do
2025 by iamachristian.org,Inc All rights reserved.
