1OreYa Tumpa, orereroasayepe,
echa mbaetɨve ma jupi rupi yogüɨreko ndeve vae,
opa ma okañɨ kuimbae reta ipɨte güi.
2Iyapu päve oyoupe reta;
omboyukɨ imiari reta oyoupe,
iyemongeta ambuaeyee reve.
3YandeYa omokañɨteita opaete iñee-yukɨ imiari vae reta,
oyembotuicha reve imiari vae,
4körai jei reta vae:
“Ñaneñee rupi ñaporomoamɨrita ko,
yandeyuru yandembae ko.
Ngaraa kia ñanemokɨ̈rii.”
5YandeYa jei körai:
“Paravete vae jare mbae re oata vae reta re peyuvanga.
Jáeramo, añave apüata,
aroasayepeta, oeka tëi oasayepe vaerä yogüɨreko vae.”
6YandeYa iñee ikɨambae ko;
¡korepoti oyeambae rami ko,
oyekɨa yoe kavi yae horno pe vae rami!
7Nde, oreYa oreangarekota;
¡oreövatu aveita jeko kavimbae vae reta güi!
8Oreöva jeko kavimbae vae reta,
opaete vae reta omboete ikavimbae.
Who We AreWhat We EelieveWhat We Do
2025 by iamachristian.org,Inc All rights reserved.
