1YandeYa jei ye cheve:
“Ekua ereko kuña iyaguasa pota vae
yepe tëi jeko kavimbae.
Jökorai che peYa Tumpa aaɨu Israel iñemuña reta,
yepe tëi jae reta omboete tumpa ambuae,
jare jou reta mbɨyape oyea uva oñemotinigüe ndive oñemee chupe vae.”
2Jayave agua cheyeupe metei kuña
quince reare korepoti pegua pe jare metei arova y medio cebada re.
3Jare jae chupe: “Ɨma ara rupi reikota che ndive;
agüɨye ndeaguasa pota,
agüɨye ekua ïru kuimbae jupíe,
che aikota ndembaeräño.”
4Echa ɨma rupi Israel iñemuña reta
yogüɨrekota juvicha guasumbae, itenondeguambae
ngaraa ma omee mɨmba oyeyukagüe, ngaraa ma oime mbae iä,
ngaraa ma sacerdote reta omonde temimonde sacerdote pegua,
ngaraa ma oime o rupigua
tumpa-raanga reta.
5Kuae jaɨkue rupi yogüeru retata Israel iñemuña reta
jare oekata iYa Tumpa jare juvicha guasu David.
Ara taɨkuegua pe, oipoɨu retata omboete reve iYa Tumpa güi
iporerekua jese reta vae.
Who We AreWhat We EelieveWhat We Do
2025 by iamachristian.org,Inc All rights reserved.
