1Kuae jae mboapɨa ma ajata pépɨri vae. Oime yave kia teko oyapo vae, timiari mókoi ani mboapɨ oikuaa kavi jeko regua vae, yaikuaa vaerä añete ra vae.Dt 17.6; 19.15.
2Jae ma peve aja pépɨri yave, ërei amombeu ye aï peve mbaetɨ tëi aï pépɨri reve. Aikuatía opaete mbaeyoa oyapo vae reta pe jare opaete ïru reta pe: Che aja ye yave pépɨri, ngaraa etei aiparareko.
3Echa pe reta peeka Cristo imiari ra peve che rupi vae. Jae mbaetɨ ko ipuerembae rami peré, imbaepuere yae ko peré.
4Echa yepe tëi Cristo imbaepuerembae rami oyekutu kurusu re, ërei oikove ye Tumpa imbaepuere rupi. Jaeramiño vi ore etei mbaetɨ mbaepuere rogüɨnoi, ërei roikove yeta Cristo rupi Tumpa imbaepuere rupi, royeokuai vaerä peve.
5Jekuaeño pemae kavi peyé peikuaa vaerä añetete ra oporogüɨrovia vae. ¿Mbaetɨ pa peikuaa Jesucristo oiko pepɨa pe vae?, ani ¿mbaetɨ ra?
6Ërei aipota peikuaa ore ko jae oporogüɨrovia vae añetete vae reta.
7Jare royerure Tumpa pe agüɨye vaerä peyapo mbae ikavimbae vae. Mbaetɨ roipota ïru vae reta oyemongeta kavi oreré vaeräño, jaeño roipota pe reta peyapo vaerä ikavi vae, yepe tëi güɨramoi ïru vae reta oyemongeta ore añeteteä vae.
8Echa mbaetɨ rogüɨnoi mbaepuere royovaicho vaerä añete vae ndive. Jaeño orepuere roñemoïru añete vae ndive.
9Jáeramo royerovia orepɨ̈ratambae re jare pe reta pepɨ̈rata yae vae re; jare royerure avei Tumpa pembojupi vaerä.
10Jáeramo aikuatía peve körai pépɨri aïä reve, agüɨye vaerä täta amboeta aja pépɨri yave, mbaepuere yandeYa omee cheve pombokuakuaa vaerä vae rupi, mbaetɨ ko omee cheve pomboai vaerä.
Tamaraeme reta11Yamboapɨ vaerä, cherɨvɨ reta, peyerovia, peyembojupi, peyombopɨakatu, peiko kavi metei rami, jare peiko päve mbɨakatu rupi; jare Tumpa ipɨakatu vae jare iporoaɨu vae oikota pe ndive.
12Peyapo maraetei oyoupe peyovapɨte jare peyomboete reve kavi.
13Opaete oporogüɨrovia vae reta omondo peve tamaraeme.
14YandeYa Jesucristo ipɨakavi, Tumpa iporoaɨu jare Espíritu Santo iñemoïru toï opaete pe ndive. ¡Amén!
Who We AreWhat We EelieveWhat We Do
2025 by iamachristian.org,Inc All rights reserved.
