ESTER 1 - Guarani Bible with DC

Mburuvicha guasu Asuero oyapo arete

1Mburuvicha guasu Asuero reta oyeokuai mburuvicha guasu Asuero pe vae,

11güeru reta vaerä jóvai Vasti, mburuvicha guasu jembireko, iñäka regua jembipe vae ndive, oechauka vaerä imaepöra opaete vae pe jare mburuvicha reta pe; echa ipöra yae ko.

12Ërei ngatu Vasti mbaetɨ oipota ou mburuvicha guasu jóvai, jae oyókuai eunuco reta rupi rami; jare mburuvicha guasu iyarasɨ yae;

13jayave mburuvicha guasu oparandu yarakuaa jare mborookuai re oikuaa katu vae reta pe, echa jökorai oyepokuaa mburuvicha guasu, oparandu mborookuai re oikuaa vae reta pe jare jupi vae oikuaa vae reta pe;

14jare ñogüɨnoi päve jae ndive Carsena, Setar, Admata, Tarsis, Meres, Marsena, jare Memucán, chiu mburuvicha reta Persia pegua jare Media pegua, mburuvicha guasu ndive etei oguapɨ, mborookuaía pe vae reta.

15Mburuvicha guasu oparandu chupe reta:

—Mborookuai jei rami, ¿mbae pa ayapota Vasti pe? Echa mbaetɨ oyapo eunuco reta rupi ayókuai vae.

16Jare Memucán jei mburuvicha guasu pe jare ïru mburuvicha reta jóvai:

—Vasti mbaetɨ ko oyavɨ mburuvicha guasu kotɨño, opaete ïru mburuvicha reta kotɨ ko oyavɨ jare opaete tëta reta pegua mburuvicha guasu Asuero iporookuaía pegua kotɨ vi ko.

17Echa kuae Vasti oyapogüe oenduta opaete kuña reta, jaema jae reta ngaraa ma iporomboete ime kotɨ, jei retata: “Mburuvicha guasu Asuero omondo tëi güeruruka jembireko Vasti, ërei jae mbaetɨ ou.”

18Jare tembireko reta Persia jare Media pegua oendu yave Vasti oyapogüe, jei retata opaete mburuvicha guasu iyɨvɨrigua reta pe; jare oimeta jeta arasɨ jare oñogüɨröɨro vae.

19Jáeramo mburuvicha guasu, jaekavi ndeve yave, toë mborookuai ndembaepuere güi, jare toyekuatía mborookuai Persia jare Media pegua ipɨte pe, agüɨye vaerä oyemboai: Est 8.8; Dn 6.8. “Vasti agüɨye ye mo tou mburuvicha guasu Asuero jóvai.” Jare mburuvicha guasu toñono ipoepɨka pe ïru kuña jeko kavi yae chugüi vae.

20Jare mburuvicha guasu mborookuai omee vae toyeendu opaete iporookuaía pe yepe tëi tuicha yae, jare opaete kuña reta tomboete ime ñavo, oikokatu vae reta jare paravete vae reta vi.

21Ipöra kuae ñee mburuvicha guasu pe jare iyɨvɨrigua mburuvicha reta pe. Jare mburuvicha guasu oyapo Memucán jei rami;

22omondo tupapire opaete tëta reta rupi. Tëta ñavo jembikuatía oï rami jare tëta ñavo iñee ae pe, jei reve: “Opaete kuimbae toyemboeteuka jo pe, jare kuae toñemoërakua jëta pe iñee ae pe.”