RUT 2 - Guarani Bible with DC

Rut oyevɨka Booz iko pe

1Noemí güɨnoi ime amɨri Elimelec jëtaragüe, kuimbae oikokatu vae, jae ko jee Booz.

2Metei ara Rut Moab pegua jei Noemí pe:

—Romoñera remaeño vaerä aja kó pe ayevɨka,Lv 19.9-10; Dt 24.19. jókuae ipɨakavita omae cheré vae reta jaɨkue.

—Ekuaño chemembɨ —jei chupe imesɨgüe.

3Jayave ojo, jare ojo ma oväe yave omboɨpɨ oyevɨka ombaepoo vae reta jaɨkue; jare jókuae kó iya yepe jae Booz, Elimelec amɨri jëtara.

4Jókuae ara etei Booz ou oväe Belén güi, jare ombaepoo vae reta pe jei:

—¡YandeYa toï pe ndive!

Jare jae reta jei chupe:

—¡YandeYa tiporerekua nderé!

5Jare Booz jei jembiokuai ombaepoo vae reta itenondegua pe:

—¿Kia jëtara pa kuae kuñatai?

6Jare tembiokuai, ombaepoo vae reta itenondegua jei:

—Jae ko kuñatai Moab pegua, Noemí ndive ou ɨvɨ Moab kotɨ güi vae.

7Jae jei cheve: “Romoñera remaeño vaerä ayevɨka jare amboatɨ ombaepoo vae reta jaɨkue.” Jare oike ndeimbove güive kuae ora regua oputuumbae etei michi pegua yepe.

8Jayave Booz jei Rut pe:

—Eyeapɨsaka, agüɨye ekua eyevɨka ïru kó rupi, agüɨye ave easa kuae güi; jare kuae pe eï cherembiokuai kuña reta ndive,

9emae kavi kia kó pe ma ombaepoo vae reta ñogüɨnoi vae re jare ekua jaɨkue reta; echa ayókuai ma tembiokuai reta agüɨye vaerä mbae jei ndeve jare ndeɨuve yave, ekua ɨrɨru reta ñogüɨnoia pe jare eɨu jókuae tembiokuai reta güɨnoegüe güi.

10Jayave jae itindɨasɨ ɨvɨ re, jare jei chupe:

—¿Maera pa ndepɨakavi remae chekotɨ, ketɨgua che reve?

11Jare Booz jei chupe:

—Aikuaa opaete reyapo nemesɨgüe ndive, neme omano güire vae re, jare reeya nderu jare ndesɨ jare ɨvɨ rea pɨpe vae, jare reyu reiko tëta nde reikuaambae vae pe.

12¡YandeYa tomboekovia ndeve opaete nderembiapo rupi! ¡Jare tandeangareko yandeYa Tumpa Israel pegua, kërai reyu reñepɨ̈ro jese vae!

13Jare jae jei:

—Cheya, taväe ndegüi ndepɨakavi; echa chembopɨakatu, jare ndepɨa yerovia reve chemomiari nderembiokuai rami, yepe tëi nderembiokuaiä che.

14Jare Booz jei chupe, jaema okaru retata yave:

—Eyu kuae pe jeu mbɨyape jare emoäkɨ ndeyeupe vinagre pe.

Jare jae ou oguapɨ ombaepoo vae reta iyɨpɨ pe, jare Booz omee chupe mbae (cebada) jäɨ oyeimbegüe, jare jou jɨ̈vɨata regua jare jembɨre chupe.

15Javoi opüa ye oyevɨka vaerä. Jare Booz oyókuai jembiokuai reta jei reve:

—Toyevɨka vi oyeokuagüe reta ipɨte rupi jare agüɨye pemomaraiuka;

16jare pemaeñota vi oa chupe mbovɨ katu mi, pe peyokuata vae güi, jae omonoo vaerä, ¡jare agüɨye peñeengeta chupe!

17Jayave oyevɨka kó pe pɨ̈tu regua, jare oyɨkɨi cebada jókuae oyevɨkagüe jare oë chupe veinte kilo oasa.

18Jare ojo ye tëta guasu kotɨ ivoɨta ndive; jare imesɨgüe oecha kuae oyevɨkagüe, javoi güɨnoe vi jókuae omonagüe jare omee chupe.

19Jare imesɨgüe oparandu chupe:

—¿Kia pe pa reyevɨka añave? ¿Kia pe pa jeta mbatee reyevɨka? ¡Toiko kavi jókuae ndeparareko vae!

Jare Rut imiari imesɨgüe pe, kia iko pe ko oparavɨkɨ vae; jare jei chupe:

—Jókuae kuimbae iko pe kuae ara aparavɨkɨ vae jee Booz.

20Jare Noemí jei imembɨtatɨgüe pe:

—¡YandeYa tiporerekua jese! Jae ipɨakavi yandeve añave, opa ma omano vae reta pe ipɨakavi rami. Jókuae kuimbae jae ko orerëtara,Lv 25.25. jae güɨnoita mbaepuere yandemboepɨ vaerä.

21Jare Rut Moab pegua jei:

—Javoi jei vi cheve: Eyea cherembiokuai kuña reta ndive, kuae cheko pe opa regua mbaarɨvo.

22Jayave Noemí jei imembɨtatɨgüe pe:

—Ikavi yae ko chemembɨ, repɨta vaerä jembiokuai kuña reta ndive, agüɨye vaerä reo ïru kó rupi, agüɨye vaerä metei ave mbae jei ndeve.

23Jayave jekuaeño opɨta Booz jembiokuai kuña reta ndive oyevɨka vaerä, opa regua oyepoo cebada jare trigo; jare jekuaeño oiko imesɨgüe ndive.