2 SAMUEL 7 - Guarani Bible with DC

Tumpa oyapo morogüɨrökuavee päve David ndive(1 Cr 17.1-27)

1Mburuvicha guasu David oiko pɨagüive ma jo pe yave, yandeYa omombutuu ma iyɨ́vɨri rupigua jovaicho reta güi yave,

2jei ñeemombeúa Natán pe:

—Mase, che aiko o kavi ɨvɨra ɨ̈vɨrare pegua pe, ërei Tumpa ikäjou oï o guakapi pegua peño.

3Jayave Natán jei David pe:

—Eyapo o kavi ndepɨa pe reyemongeta vae, echa yandeYa ko oï nde ndive.

4Ërei jókuae pɨ̈tu, yandeYa imiari Natán pe, jei chupe:

5“Ekua ere cherembiokuai David pe, kërai jae mbaetɨta omopüa o aiko pɨpe vaerä vae.

6Añete, mbaetɨ aiko o pe, Egipto güi anoe Israel iñemuña reta güive; aiko o guakapi pegua peño.

7Opaete ara aiko ramboeve Israel iñemuña reta ndive, mbaetɨi aiporu che añono chembae vae reta juvicharä vae pe, oyapo vaerä o ɨ̈vɨrare pegua cheve reta.

8Jayave ere cherembiokuai David pe, che peYa imbaepuere yae ete vae jae körai chupe: ‘Che rogüeru mɨmba rókai güi jare mɨmba reta re reyangarekoa güi, reiko vaerä tëta Israel chembae vae juvicharä;

9jare aiko nde ndive opaete reoa rupi, jare amoamɨri ndeve opaete nderovaicho reta, amee ndeve nerërakua yae vaerä, kuae ɨvɨ pe amogüe kuimbae reta jërakua yae rami.

10Jare che añonota tëta Israel chembae iɨvɨ ae pe yogüɨreko vaerä, agüɨye mo vaerä oyembosɨrɨ iɨvɨ güi, ani tovaicho reta omoambeko tenonde yave rami,

11añono güire mburuvicha oporojäa vae reta tëta Israel chembae pe; che amee reputuu vaerä opaete nderovaicho reta güi. Jare jetata che romoñemuña.

12Jare remano ma yave, che amopüata metei neñemuña güi jare amboguapɨta mburuvicharä.

13Jae omopüata metei o cheve, jare che ameeta oiko avei vaerä iporookuaía.

14Che aïta turä jare jae oïta cheraɨrä. Jare ombaeyavɨ yave, che ainupata, metei kuimbae taɨ

17Natán imiari opaete oechagüe jare oendugüe re David pe.

18Jayave David oike yandeYa jóvai jare jei: “CheYa Tumpa, ¿mbae mbatee pa che jare cheñemuña reta, reyapo vaerä kuaekuae che ndive?

19Jare mbaeä ndeve cheYa Tumpa, cheñemuña re ave nemiari këraita yogüɨreko kuri vae re. ¡Mbaetɨ kia nde rami vae cheYa Tumpa!

20¿Mbae ye pa jaeta ndeve cheYa Tumpa? Echa nde chekuaa ko.

21Opaete kuae mbaembae tuichagüe reyapo nde rere rami jare ndepɨa jemimbota rupi, reikuaauka vaerä cheve;

22jáeramo, nde cheYa Tumpa: ¡Tuichagüe yae ko nde! Echa mbaetɨ ko kia nde rami vae, jare mbaetɨ yé ïru Tumpa ndegüi, echa ore etei ko roendu jókuae.

23Jare Israel tëta ndembae vae, mbaetɨ yé ïru tëta jae rami vae kuae ɨvɨ pe; echa nde ko reyora ndembaerä Egipto güi, ïru tëtaguasu reta güi jare itumpa reta güi, jare remoërakua yae reta, reyapo ramboeve chupe reta mɨakañɨ tuichagüe jare yavaetegüe, reaɨu tëta ndembae vae ramo,

24echa nde reiparavo ndembaerä Israel jekuae avei pegua, jare nde reiko iTumparä.

25Jayave, cheYa Tumpa, emoañetete che nderembiokuai pe jare cheñemuña reta pe rerökuavee reyapota vae, eyapo opaete jókuae reregüe.

26Toyembotuicha avei nderee, jare tei avei vae: ‘¡YandeYa imbaepuere yae ete vae, jae ko Israel iTumpa!’ Jare cheñemuña reta toyogüɨreko avei nderóvai rupi.

27Echa nde, cheYa Tumpa imbaepuere yae ete vae Israel iTumpa reikuaauka cheve, kërai cheñemuña reta yogüɨreko aveita vae; jáeramo, che nderembiokuai añemomɨ̈rata ayerure vaerä ndeve.

28Nde cheYa Tumpa, nde ko Tumpa, neñee jupi ko, jare añave rerökuavee cheve mbae ikavi yae vae.

29Ndeporerekua jayave cheve cheñemuña reta re, yogüɨreko avei vaerä nderóvai rupi, echa jökorai ko rere cheYa Tumpa, ndeporerekua rupi ko cheñemuña reta oyekouta jekuae avei rupi.”