1Jacob oenɨi taɨ reta, jare jei: “Peya katu cheré, amombeuta peve mbae oikota kuri pe reta ndive vae:
2Peya katu cheré, jare peendu Jacob taɨ reta,
jare peyeapɨsaka peru Israel re.
3Rubén, nde jae ko cheraɨrɨpɨ, tenondegua cheñemuña,
imboetea jare tenondegua mbaepuere pe vae.
4Mbaetɨta ma ɨaparúa ipɨ̈rata rami reiko,
echa reyapakua nderu jupa pe jembireko ndive,
chemboeteä ko, echa reyeupi aputuúa pe.
5Simeón jare Leví oyotɨvɨ ko;
jembiporu reta ikavimbae pegua ko.
6¡Aipotaäecha aï iyemboatɨa pe ipɨte pe!
Echa pochɨrai yave oporoyuka reta,
jare jekorai jeko pegua omopë reta toro itɨmaka.
7¡Iyarasɨ ikaviä, yavaete yae!
Yavaete ipochɨ.
¡Che opata amoai opaete ɨvɨ Israel rupi!
8Judá, ndemboeteta nderɨvɨ reta.
Ndembaepuereta nderovaicho reta re,
nderu taɨ reta oyetavatɨkata nderóvai.
9Judá, yaguapope ndeigüe rami nde,
jembia opa jou vae oyapakua ɨvɨ re,
yaguapope tuichagüe nunga:
¿Kia pa omombata?
10Judá güi ngaraa kia ipuere opɨ̈ro mbaepuere,
ngaraa vi ipo pegua oro pegua vae ave,
ou regua Siloh, jókuae ipo pegua oro pegua iya,
chupe opaete vae omeeta mbaemboete.
11Imburika kuimbae taɨrusu oñapɨti uva iyɨpɨ re vae,
mburika mii imembɨ,
jemimonde oputuka vino pe vae,
jare iñeapevaka uva tɨgüegüe pe.
12Jesa reta moropɨ̈ta vino güi,
jare jäi reta tïiasɨ neche güi.
13Zabulón, ɨguasu jembeɨ pe oikota,
barco reta oë oua pe,
iɨvɨ jembeɨ ojoita oya Sidón re.
14Isacar, mburika tätagüe,
oputuu ikarúa renda pe vae.
15Jare oecha mbutuu ikavi yae,
jare ɨvɨ pe vɨakatu yave,
omee ikupe voɨta güɨraja vaerä,
jare oñemee ombaemboepɨ oiko vaerä.
16Dan, oporookuaita jëta re,
ïru ñemuña reta Israel pe rami.
17Dan, tape jembeɨ pe mboi oï vae ramita,
ani tape raɨ rupi mboi oï vae ramita,
kavayu ipɨñúa pe oichuu,
jare oitɨuka kavayu regua
jaɨkue kotɨ rupi vae ramita.
18¡CheYa, ndeporogüɨroasayepe aäro!
19Gad, oporepeñata jese sundaro reta,
ërei jae omoamɨrita jaɨkue rupi.
20Aser, jeta yaeta jembíu,
okaruta mburuvicha reta jembíu kavi rami.
21Neftalí, guasukaka oikoiño vaeecha,
oñemuña pɨagüive kavi, ipöra imembɨ.
22Temitɨ ia yae vae ko José,
ɨesaɨ jembeɨ pegua temitɨ rami,
jäka jokɨ pɨau vae oyeupi ovapetea re.
23Uvɨ regua reta omotareɨ,
oyapi reta uvɨ pe,
ombopɨatɨtɨ avei.
24Ërei ngatu igüɨrapa omopɨ̈rata yae,
iyɨva omomɨ̈rata yae.
¡Yasoropai Imbaepuere yae ete vae pe, Jacob iTumpa pe!
¡Yasoropai Oporoangareko vae pe, Israel iñepɨ̈roa pe!
25¡Yasoropai nderu iTumpa pe, jae ndemborɨta,
Tumpa imbaepuere yae ete vae jee re, jae iporerekuata nderé!
¡Iporerekuata ɨvate güi, okɨ katu vae rupi!
¡Iporerekuata ɨvɨ ñäkɨ ngatu vae rupi!
¡Jare iporerekuata reñemuña ngatu vaerä!
26Nderu jei ñee kavi ndekotɨ vae tuicha yae ete,
cheru jei ñee kavi cheve vae güi,
ɨvɨtɨ guasu opambae iyapɨ pe.
Kuae ñee kavi oïta José iñäka re,
tɨkeɨ retaDt 33.13-17. ipɨte güi oyeparavo vae.
27Benjamín ko jae aguarayaɨmba pochɨ yae vae,
ndeimbove yave jou jembia,
jare kaaru yave omboyao jembɨregüe.”
28Jae ko kuae opaete reve doce ñemuña Israel pegua, jare jae kuae tu jei chupe reta vae; jei ñee kavi taɨ reta kotɨ yave, metei ñavo pe.
Jacob imano29Jaɨkue rupi Jacob oyókuai taɨ reta: “Amanota ma, cheñotɨ kuri cheñemuñagüe reta jɨvɨa oïa pe, ɨvɨkua oï Efrón, Het iñemuña iɨvɨ pe,
30ɨvɨkua Macpela pegua pe, Mamre güi kuaraɨ oëa kotɨ ɨvɨ Canaán pe, jae ko Abraham ogua Efrón, Het iñemuña güi vae, tɨvɨa jendarä vae.Gn 23.3-20.
31Joko pe oñotɨ reta AbrahamGn 25.9-10. jare jembireko Sara; joko pe vi oñotɨ reta IsaacGn 35.29. jare jembireko Rebeca; joko pe vi che añotɨ Lea.
32Ɨvɨ oyegua ɨvɨkua ndive joko pe vae ko, Het iñemuña reta imbaegüe.”
33Jare Jacob opa ma omee mborookuai taɨ reta pe yave, oyapakua jare omano,Hch 7.15. jare oñeotɨ iñemuñagüe reta oñeotɨa pe.
Who We AreWhat We EelieveWhat We Do
2025 by iamachristian.org,Inc All rights reserved.
