1Saúl omomiari taɨ Jonatán jare opaete jembiokuai reta oyuka reta vaerä David. Ërei Jonatán oaɨu yae David ramo,
2omondo omombeu David pe jei reve:
—Cheru Saúl oipota ndeyuka, jayave eyeandu pɨareve ndeimboveasɨ, eñemi ketɨ yayekuaambaeä pe.
3Che ajata cheru ndive jókuae reñemi reïa rupi. Chemiarita nderé cheru pe, oime yave mbae jei amombeuta ndeve.
4Jare Jonatán omomiari kavi tu Saúl, David re, jei:
—Agüɨye ndeyoa nderembiokuai David re, echa jae mbaetɨ mbae ikavimbae oyapo ndeve, jaeño ma oyeokuai kavi ndeve.
5Jae oñemoëgua ko mano pe oyuka yave filisteo Goliat, jare yandeYa güɨroasayepe Israel iñemuña reta jókuae ara jovaicho reta güi, nde etei reecha jare reyerovia remae jese. ¿Maera pa reipota reyuka jekombae reve? ¿Remomburu David mbaetɨ reve oñeväe teko jese?
6Jare Saúl oendu Jonatán jeigüe yave jei Tumpa jee re:
—YandeYa oikove vae jee re, jae ngaraa omano.
7Jayave Jonatán oenɨi David, jare omombeu chupe opaete jókuae ñee reta. Jare jae etei güɨraja ye David, Saúl oïa pe, jökorai oiko ye ípɨri, tenonde oyeokuaise rami.
8Kuae jaɨkue rupi oiko ye ñeraro, jare David ojo ye oñeraro filisteo reta ndive, jeta oporoyuka jare opa ombotekuarai.
9Jare Tumpa omaeño ou espíritu ikavimbae vae Saúl re oguapɨ oï yave jo pe, jae güɨnoi ipo pe mii David ombopu ramboeve arpa.
10Saúl oipota tëi oikutu David mii pe ovapetea re, ërei David ombóguai jare mii oyeatɨka ovapetea rei. Jókuae pɨ̈tu David otekuarai jare ojo.
11Saúl omondo ñee jerajaa reta David jëta pe, oäro reta vaerä jare oyuka vaerä ndeimbove yave.
Who We AreWhat We EelieveWhat We Do
2025 by iamachristian.org,Inc All rights reserved.
