1Job jekuae imiari ye.
2¡Mbae mona aiko ye tenonde yave rupi aiko rami!
Tenonde yave rupi Tumpa oyangareko cheré rami.
3Jae chemboesape yepi jembipe pe,
jare che chepuere aguata pɨtumimbi pe.
4Chetaɨrusu yave aikose rami,
Tumpa oyangareko chero re.
5Imbaepuere yae ete vae oikose che ndive yave,
jare chemichia reta cheɨ́vɨri rupi.
6Chepɨ ñäkɨ yepɨ neche osɨrɨ vae pe,
jare asaite jesaɨ yepi cheve ita güi.
7Aë yepi tëta guasu jöke pe aporojäa vaerä,
jare oka guasu pe ayapokaviuka cherendarä.
8Taɨrusu reta chereecha yave osɨrɨ chegüi,
jare okuakuaa vae reta ñogüɨnoi ipɨ re.
9Mburuvicha reta oñemokïrii,
oyeyuruopɨ reta.
10Mburuvicha reta mbaetɨ iñeeäta,
ikü oya iñäpeku re rami.
11Jeta vae reta chereecha yave ani oyeapɨsaka cheré yave,
chemboyerovia reta jare imiari kavi reta cheré.
12Echa che amborɨ yepi paravete vae, oiporu yemborɨ vae,
jare tɨ̈reɨ mbaetɨ kia omborɨ vae.
13Osusere oï vae omee iporerekua cheve;
jare cheporomborɨ omboyerovia imemano vae reta.
14Aiko ayemonde jupi vae pe rami, jare jae cheöva,
ñeapevaka jare äka-regua rami cheve isɨmbi aiko vae.
15¡Che aiko jesambae jesarä,
jare oguatambae ipɨrä!
16¡Mbae re oata vae reta turä,
ketɨgua reta aepɨ vaerä!
17Che amopë ipɨapochɨ vae reta jäimbuku,
jare jäi güi apɨ̈ro paravete vae.
18Jae cheyeupe: “Aikopuku yaeta,
chendechi pe ae tamano chero pe.
19Ɨvɨra ɨ jembeɨ pe oï vae rami,
pɨ̈tu yave ɨsápɨi oa jese vae rami.
20Cheyemboetea oyembopɨau ye cheré,
jare ngaraa oata mɨ̈rata cheve.”
21Opaete oyeapɨsaka cheré vae,
jare kïrii ngatu oyeapɨsaka reta cheporomboarakuaa re.
22Opa yave chemiari mbaetɨ kia iñee omoë,
jare cheyemongeta opɨta jese reta.
23Cheräro reta ikɨ̈reɨ ngatu reve,
araku yave ama okɨta vae oäro vae rami.
24Apukavɨi yave, ayeapea chererovia reta,
jare mbaetɨ ikuérai omae reta cheyerovia katu re.
25Amae jae reta oyapogüe re,
aguapɨ jae reta ndive mburuvicha rami,
jare aiko mburuvicha guasu rami jae reta ipɨte pe.
Oporombopɨakatu vae rami oyaeo vae reta pe.
Who We AreWhat We EelieveWhat We Do
2025 by iamachristian.org,Inc All rights reserved.
