1CheRu Tumpa, oremombo ko,
reiporarauka oreve;
ndearasɨ, ërei ¡eyerova ye orekotɨ!
2Ɨvɨ remokana jare oyeka;
¡eñono kavi, echa opa osururu oï!
3Reechauka ndembae vae reta pe mbae yavai yae vae,
remee roɨu vino oporombosavaɨpo vae re rami.
4Ndegüi oipoɨu vae reta pe remopüa bandera,
ojoyepe vaerä uvɨ güi.
5Oasayepe vaerä nderembiaɨu reta,
¡eroasayepe ndembaepuere pe!
¡Eendu cheve!
6Tumpa jei jo mbaemboetea pe:
“¡Che ayerovia yaeta amboyao Siquem,
jare ajäata ɨvɨtɨ päu ipe kavi vae Sucot!
7Chembae ko Galaad jare Manasés;
Efraín jae ko äka-ɨru jiero pegua rami cheäka re;
Judá jae ko chepo pegua ɨvɨra mborookuai pegua rami;
8Moab, jae ko cheyepoeka rɨru rami;
Edom re amombota chepɨapaa.
¡Aporomoamɨri güi asapukaita filisteo reta re!”
9¿Kia pa chererajata tëta guasu oñekëse kavi vae pe?
¿Kia pa chererajata Edom pe?
10Echa nde, cheRu Tumpa, oremombo,
¡mbaetɨ ma reo oresundaro reta ndive!
11Oremborɨ orerovaicho reta re,
echa kuimbae iporomborɨ mbaeä etei ko.
12Ndeporomborɨ rupi orepuere royapo mbae tuichagüe,
¡nde repɨ̈rota orerovaicho reta re!
Who We AreWhat We EelieveWhat We Do
2025 by iamachristian.org,Inc All rights reserved.
