ECLESIÁSTICO 12 - Guarani Bible with DC

1Ikavi vae reyapo yave, emae ngatu kia pe vae,

jare ipuereta reäro mbae jókuae ikavi vae reyapo vae güi.

2Eyapo ikavi vae jeko kavi vae pe jaema jekovia pe renoita mbota,

chugüi potaa, Tumpa güi.

3Yamborɨ vaerä jeko kavimbae mbaetɨ tei güeru ikavigüe,

jare kërai ave ko ikavi vae yayapoä ñaï.

4Mbae oata vae iara pe oasa eteta pɨ̈chɨi vae oyapo ndeve

opaete ikavi vae reyapo chupe vae rupi.

5Agüɨye emee chupe tembiporu ñoraro pegua,

agüɨye vaerä pɨpe opoko nderé.

6Tumpa omotareɨ vi ko jeko kavimbae reta

jare omeeta ko chupe oiporara vaerä.

7Ndepuere remee jeko kavi vae pe, ërei ani jeko kavimbae pe;

embopɨakatu ipɨatɨtɨ vae, ërei agüɨye mbae emee oyembotuicha vae pe.

8Opaete mbae ojo kavi yave, mbaetɨ ko yaikuaa kia ñochëi vae;

ërei opaete jaekaviä ojo yave, yaikuaa ko kia jae tovaicho vae.

9Mbae ikavi ojo yave, tovaicho oyeapo ko ñochëirä;

ërei jaekaviä ojo yave, ñochëi vae ave ko ndereeyata.

10Agüɨye tovaicho re erovia emae,

echa iyepopeyu iyukɨrɨ vae rami ko.

11Yepe tandereendu jare täta toñemomichi,

eyeandu jare eipoɨu chugüi.

Emae jese kia epeo pegua oyoe vae rami,

jare jökorai ndembopotaä iyukɨrɨgüe.

12Agüɨye emaeño emboya ndeyé,

agüɨye vaerä nemoaña jare ndembosɨrɨ.

Agüɨye emaeño toguapɨ ndeakatu kotɨ,

agüɨye vaerä nderenda opɨ̈ro.

Echa mbaetɨ yave, taɨkue ramo reikuaata jae ndevegüe

jare reyanduta mbɨatɨtɨ nemaendúa yave che jaegüe vae re.

13Mbaetɨ ko kia oporoparareko

oporombopɨakatu vae güive jare metei mboi oichuu vae pe

ani ramo metei yagua re oya vae pe.

14Jökorai etei vi oasa kia jeko kavimbae ndive oñochëi vae

jare oñemamata ikavimbae oyapogüe pe.

15Nde reyemboɨ reï ramboeve, ngaraa oyeechauka,

ërei rea yave, ngaraa iyarasɨ poi.

16Tovaicho ojäa ñee jee ngatu vae,

ërei iyɨvɨte rupi oeka oyapo vaerä ndeve ikavimbae vae.

Yepe täta tesaɨ topɨyere,

ërei jëgua chupe yave ngaraa ikangɨ oporoyuka.

17Ou ndeve metei susere yave, jae oïta ko joko pe;

ndemborɨ jaanga vaerä, oñonota ndeve reyepɨtakua vaerä.

18Jayave oyerovia jaangata,

jare iñee nguru reve omboambuaeta iñee.