1Jaɨkue rupi yaja ye ñuu pe, tape Ɨguasu Pɨ̈ta vae kotɨ ojo vae rupi, yandeYa jei cheve rami, jare yayere yaiko ɨvɨtɨ reta SeirNm 21.4. re, ɨma año rupi.
2Jayave yandeYa jei cheve:
3‘Peyere mbatee yae ma kuae ɨvɨtɨ reta re, pekua ye ɨvɨtuguasu kotɨ.
4Eyókuai opaete vae, rere reve: Peasa perëtara Esaú iñemuña reta SeirGn 36.8; Nm 20.14-21. pe yogüɨreko vae iɨvɨ rupi, jae reta okɨɨyeta pegüi, ërei ngatu peyeandu.
5Agüɨye peñoraro jae reta ndive, echa ngaraa amee peve kërai ave yepe jae reta iɨvɨ güi. Che ko amee Esaú iñemuña reta imbaerä ɨvɨtɨ Seir.
6Tembíu peu vaerä peguata chugüi reta korepoti re, jaeramiño vi ɨ peɨu vaerä peguata chugüi reta.’
7Echa yandeYa Tumpa iporerekua peré opaete perembiapo reta rupi, jae oikuaa kërai peguata opaete kuae ñuu guasu rupi vae, kuae cuarenta año rupi yandeYa Tumpa oiko pe ndive, jare mbaetɨ etei mbae omboata peve.
8Jare yaasa ñanerëtara Esaú iñemuña reta yogüɨreko Seir pe vae güi, tape Arabá pegua ojo Elat jare Ezión-geber rupi vae, jare yayere yayu vaerä tape ñuu Moab pegua rupi.
9Jayave yandeYa jei cheve: ‘Agüɨye pemoambeko Moab iñemuña reta, agüɨye peñoraro jae reta ndive, echa ngaraa amee peve kërai ave jae reta iɨvɨ güi. Che ko amee ɨvɨ Ar, LotGn 19.37; Nm 21.10-20. iñemuña reta peguarä.’
10(Tenonde yave emita reta yogüɨrekose joko pe, jae ko jeta yae vae reta, jare puku Anac iñemuña reta rami.
11Puku reta jeko pegua ïru vae reta omoëtara Anac iñemuña reta re, ërei Moab iñemuña reta ombojee emita.
12Jökorai vi tenonde yave horeo reta yogüɨrekose Seir pe, ërei Esaú iñemuña reta opa omoë omombo reta ipɨte güi, jare yogüɨreko jëtagüe pe, Israel iñemuña reta oporoapo rami yandeYa omee yave ɨvɨ chupe reta.)
13Jare yandeYa jei: ‘Pepüa añave jare peasa ɨ̈aka Zered.’ Jare yaasa ɨ̈aka Zered.
14Cades-barnea güive yaguata yaiko yaasa regua ɨ̈aka Zered vae jae ko treinta y ocho año. Jayave rupi opa ma kuimbae ñeraro regua reta omano, yandeYa jae jee re aeNm 14.28-35. jei rami.
15Jare yandeYa imbaepuere oitɨ vi jese reta opa okañɨtei reta regua teyupa güi.
16Opa güire omano kuimbae reta ñeraro regua teyupa pe.
17YandeYa jei cheve:
18‘Añave voi reasata ɨvɨ Moab jembeɨ rupi, jae ko Ar,
19jare köiño ma Amón iñemuña reta güi reï yave, agüɨye emoambeko reta jare agüɨye vi neñeengeta jae reta ndive, echa ngaraa amee ndeve jae reta iɨvɨ güi. Amón iñemuña reta jae vi ko LotGn 19.38. iñemuña reta amee ko ɨvɨ jae reta imbaerä.’
20(Kuae ɨvɨ tenonde ete oyembojee ko kuimbae puku vae reta imbae, echa jayave puku vae reta yogüɨrekose joko pe, Amón iñemuña reta ombojee zomzomeo,
21tuichagüe jare jeta yae vae kuae reta, puku yae reta Anac iñemuña reta rami, ërei yandeYa opa omokañɨtei Amón iñemuña reta rupi, jare jae reta yogüɨreko jëtagüe pe.
22YandeYa oyapo Esaú iñemuña reta ndive rami, Seir pe yogüɨrekose horeo reta vae opa omboai chupe, jare jendagüe pe yogüɨreko añave regua.
23Jare aveo reta yogüɨrekose tëta raɨ reta ojoi oya Gaza re vae, Caftor pegua reta yogüeru opa opɨ̈ro jëta jare jendagüe pe yogüɨreko, jae ko filisteo reta.)
24‘¡Tumpa jei: Pepüa jare peasa ɨ̈aka Arnón! Che ko amee pepo pe amorreo Sehón mburuvicha guasu Hesbón pegua, jare iɨvɨ. ¡Pemboɨpɨ pepɨ̈ro ɨvɨ, peñeraro jae ndive!
25Añave güive amboɨpɨta añono kɨɨye rai opaete tëta reta re pegüi; oendu yave peregua, ipɨatɨtɨta jare orɨrɨita pegüi.’
Israel iñemuña reta omoamɨri mburuvicha guasu Sehón(Nm 21.21-30)26Ñuu Cademot güi amondo ñee jerajaa reta ñee mbɨakatu pegua ndive Sehón mburuvicha guasu Hesbón pegua pe, körai:
27‘Aasata ndeɨvɨ rupi apiambae reve tape güi cheakatu kotɨ ani cheasu kotɨ yepe.
28Tembíu jau vaerä eguauka cheve korepoti re, jökoraiño vi ɨ aɨu vaerä eguauka cheve korepoti re. Jaeño aiporu ndeve aasa vaerä.
29Esaú iñemuña reta Seir pe yogüɨreko vae omaeño aasa rami, jaeramiño vi Moab iñemuña reta Ar pe yogüɨreko vae rami, aasa regua ɨ̈aka Jordán oreYa Tumpa ɨvɨ omee orevea pe.’
30Ërei ngatu Sehón mburuvicha guasu Hesbón pegua mbaetɨ oipota yandemboasa iɨvɨ rupi, echa yandeYa Tumpa yepe ombopɨa täta jare jëguambae oyapo, jökorai oñono vaerä pepo pe añave regua.
31Jare yandeYa jei cheve: ‘Mase, ko amboɨpɨ amee Sehón jare iɨvɨ pepo pe, peike peyemombae imbaegüe re.’
32Jare Sehón oë oñeraro vaerä yande ndive opaete isundaro reta ndive Jahaza pe;
33ërei yandeYa Tumpa omee yandepo pe jare ñamoamɨri jae jare taɨ reta jare isundaro reta.
34Jayave ñapɨ̈ro jëta jare yamboai opaete tëta guasu; kuimbae reta, kuña reta, jare michia reta; mbaetɨ etei mbae yaeya.
35Jaeño ete yaeya mɨmba reta yandeyeupe, jare mbaembae reta tëta guasu reta pe ñapɨ̈rogüe.
36Aroer güive, jae ko ɨ̈aka Arnón pegua iyɨ́vɨri, ojoi oväe Galaad pe mbaetɨ metei tëta ave oasayepe yandegüi, opaetei yandeYa Tumpa omee yandepo pe.
37Jaeño ete Amón iñemuña reta iɨvɨ pe mbaetɨ yaja ñaväe, jare opaete ɨesaɨ Jaboc iyɨvɨrigua reta pe jare tëta reta ɨvɨtɨ rupigua pe, yandeYa Tumpa oyopia yandegüi vae pe.
Who We AreWhat We EelieveWhat We Do
2025 by iamachristian.org,Inc All rights reserved.
