1Agüɨye eñeengata indechi vae pe, ërei emboarakuaa nderu rami; jare taɨrusu vae reta, emboarakuaa nderɨvɨ rami;
2tɨ̈aro reta, emboarakuaa ndesɨ rami; kuñatai reta, emboarakuaa ndereindɨ rami, remboete reve.
3Emborɨ imemano vae reta, mbaetɨ kia chupe vae reta.
4Ërei imemano vae oime yave güɨnoi imembɨ reta ani jamariro reta, jae reta räri tomborɨ jo pegua reta jare tu reta, echa jókuae ko ikavi jare omboyerovia Tumpa.
5Ërei añetete imemano vae, mbaetɨ etei kia chupe vae, oäro Tumpa reño, oyerure avei ara rupi jare pɨ̈tu rupi.
6Ërei imemano vae oeka jete omboyerovia vaeräño vae, omano rami ko oiko.
7Jáeramo kuae mbaembae re eyókuai, agüɨye vaerä kia omboeko reta mbae re.
8Ërei kia oyangarekoä jo pegua reta re ani jëtara reta re vae, oikuaku rami ko iporogüɨrovia, oasa ete ye ko oporogüɨroviambae vae güi.
9Imemano vae reta jee ipɨte pe jaeño toï sesenta año güɨnoi vae güi kutɨ, meteiño ime vae,
10jare jërakua kavi jembiapo reta rupi vae, oyangareko kavi imembɨ reta re, omboresive kavi mboupa, oyoe oporogüɨrovia vae reta ipɨ, omborɨ oiporara vae reta jare oyapo opaete mbae ikavi vae yave.
11Ërei imemano vae taɨrusu vae reta, agüɨye emoapɨta jee. Echa imendase ye yave oipotaä ma yeokuai Cristo pe.
12Jáeramo güɨnoi ko teko, opia iporogüɨrovia güi ramo.
13Jaeramiño vi omboɨpɨ iyakɨ, opou reteiño; jare mbaetɨ jokuaeño, oporoangao jare oyemoinge opaño mbae pe, imiari agüɨyeta tëi imiari jese vae.
14Jáeramo, aipota imemano vae taɨrusu vae reta omenda ye, timembɨ reta, togüɨroata kavi jo pegua reta, agüɨye vaerä oñemoëgua oyeangaouka vaerä tovaicho pe.
15Echa amogüe vae oyerova ma ojo Satanás jupíe.
16Oporogüɨrovia vae reta jo pe oime yave imemano vae reta, tomborɨ reta, agüɨye vaerä yavai oporogüɨrovia vae reta pe, jökorai oime vaerä jeta yemborɨ imemano vae mbaetɨ kia chupe vae reta pe.
17Jupi ko oporogüɨrovia vae reta itenondegua güɨroata kavi mbaravɨkɨ vae, oyeaɨu yae vaerä, jókuae omoërakua Tumpa iñee jare oporomboe vae.
18Echa Tumpa Iñee jei körai: “Güeye ombopiriri trigo oï yave, agüɨye peiyuruokua.”
20Mbaetɨ oipota oeya iyoa vae reta pe emboeta opaete vae jóvai, ïru vae reta okɨɨye vaerä vi.
21Royókuai Tumpa jare yandeYa Jesucristo jare iaraɨgua jembiparavo reta jovake, reyapo vaerä kuae mbaembae jupi rupi, reporomboyoavɨmbae re reve.
22Agüɨye emanorai eyapo mbae kia pe ave, agüɨye eyemoinge teko ambuae pe. Eiko ikɨambae.
23Ndepɨa pe ndembaerasɨ yae jeko pegua jeu vino michi mi, agüɨye mo jeu ɨ.
24Amogüe reta iyoa oyekuaa kavi voi ndei oñejäa mbove, ërei amogüe reta iyoa oyekuaa taɨkue rupi.
25Jaeramiño vi amogüe reta oyapo ikavi vae oyekuaa kavi voi; ërei ikavi vae añave mbaetɨ oyekuaa vae oyekuaa tai ko.
Who We AreWhat We EelieveWhat We Do
2025 by iamachristian.org,Inc All rights reserved.
