2 SAMUEL 22 - Guarani Bible with DC

David otairari jovaicho reta güi ojoyepe jeko pegua(Sal 18)

1David jei kuae ñee yandeYa pe, ojoyepe Saúl güi jare opaete jovaicho reta ipo güi yave.

2Jei körai:

“Nde cheYa, jae ko ita guasu cheñepɨ̈roa,

nde ko jae chereepɨ vae,

3cheTumpa,

cheñepɨ̈roa, nderé tayeko

cheyeopiaka, mbaepuere chereepɨ vae,

añepɨ̈ro kavi yae nderé vae,

chereroasayepe vae.

¡Chereroasayepe mbaesusere güi vae!

4Nde cheYa, jupi ko reyemboeteuka vaerä

roenɨi yave, chereepɨ cherovaicho reta güi.

5Ɨ ñaneova vae rami mano cheöva;

ɨ ipɨ̈rata yae vae oporoiämondo rami ikavimbae chemongɨɨye.

6Mano chemoïcha tɨmasa pe.

¡Ñuai mano pegua oñono reta cheré!

7Chepɨatɨtɨ yave aenɨi yandeYa,

asapúkai cheTumpa pe,

jare jae chereendu jo iyemboetea güi.

¡Chesapúkai ojo oväe chupe!

8Jayave ɨvɨ okana täta,

ara iguapɨka reta okana vi;

okana reta, yandeYa iyarasɨ

12Jare iñemiarä oñono pɨtumimbi yavaetegüe,

amapɨtu jüu yae vae, ɨ katuai vae.

13Jae jembipeasɨ,

omoendɨ tätapɨi.

14Jayave yandeYa ombou iñee ara kotɨ güi,

Tuichagüe yae ete vae omoë iñee:

15Ombou juvɨ reta, jare opa omoai moai cherovaicho reta,

ombou iama-vera reta jare opa omboai.

16Ɨguasu reta jugua opa oyekuaa,

ɨvɨ iguapɨa opa oyekuaa,

yandeYa iñeeäta rupi,

iñäpɨgua rupi ipɨ̈túe vae rupi.

17Ombou ɨvate güi chepɨɨ,

jare cherenoe ɨ jeta vae jugua güi.

18Chereepɨ tovaicho reta imbaepuere yae vae güi,

chemotareɨ vae reta güi,

yepe tëi jae reta imbaepuere yae chegüi.

19Jasɨ katu aiko yave, oñemopüa reta cheré,

ërei yandeYa chemborɨ:

20Jae cherenoe ɨvɨ ipɨguasúa pe;

¡chemborɨ, cheraɨu jeko pegua!

21YandeYa omboekovia cheve jupigüe ayapo rupi,

chereko kavi oime rupi, omboekovia cheve,

22echa che aguata yandeYa jeia rupi;

¡mbaetɨi apia cheTumpa güi!

23Ayapo avei iporookuai reta;

¡mbaetɨi apia iporookuai reta güi!

24Aguata sɨmbi rupi kavi jóvai;

jare ayeandu ikavimbae güi.

25Jáeramo, yandeYa omboekovia cheve jupigüe ayapo rupi,

jesa jóvai chereko kavi rupi omboekovia cheve.

26Nde, cheYa, iporoparareko vae re, ndeporopararekota,

jare sɨmbi, kuimbae jupi vae ndive,

27ndereko kavi, kuimbae jeko kavi vae ndive,

ërei ndepɨa täta, kuimbae iyemongeta ikavimbae ndive.

28Ërei nde reepɨ tëta oiporara oiko vae reta,

ërei remomichi ipɨayemboete vae reta re.

29CheYa, nde ko jae remboesape cheve vae;

nde cheTumpa remboesape cheve pɨtumimbi.

30Nde ndive opa amoai moai tovaicho reta,

jare aasata jëta guasu ikësea.

31Tumpa jembiapo jupi ko;

yandeYa iñee ikɨambae ko.

¡Yeopiaka ko opaete güɨrovia jese vae pe!

32¿Oime ye pa ïru Tumpa, yandeYa güi?

¿Oime ye pa ïru Tumpa ipuere yandereepɨ vae?

33Tumpa ko chemomɨ̈rata,

jae ko oipea tape cheve,

34jae ko chemoäkua guasukaka

51Che mburuvicha guasu nderembiparavo pe remee aporomoamɨri yae vaerä;

nde cheparareko avei jökorai vi cheñemuña reta.”