1Sacerdote reta, peendu kuae;
peyeapɨsaka Israel pegua reta;
peyeapɨsaka mburuvicha jo pegua reta.
Echa peveguarä kuae morojäa,
echa pe reta peiko ñuai rami ɨvɨtɨ Mizpa pe,
metei pɨsa rami ɨvɨtɨ Tabor pe,
2ɨvɨkua ñuai pe peporoyuka vae rupi jeieteño peyoa.
Jáeramo aiporaraukata peve.
3Che aikuaa katu ko Efraín pegua reta;
Israel pegua reta ngaraa oñemi chegüi.
Efraín pegua reta oikomegua,
Israel pegua reta oyemongɨa.”
4Mbaetɨ oyemongeta reta oyepoepɨ vaerä iTumpa pe,
echa aguasa reño yemongeta vae güɨnoi reta ipɨa pe,
jare mbaetɨ oikuaa reta yandeYa.
5Israel pegua reta ipɨapochɨ oyeapa ikotɨ;
Efraín oiporarata iyoa ae,
¡Judá pegua reta oiporarata vi jae reta ndive mbaeyoa re!
6Ivecha reta reve jare iguaka reta reve yogüɨrajata oeka yandeYa,
ërei ngaraa oväe reta chupe,
echa jae osɨrɨ chugüi reta.
7Mbaetɨ jupi rupi yogüɨreko reta yandeYa pe,
imembɨ reta ambuae kuimbae pe.
Jáeramo, metei yasɨ peño omokañɨtei retata iɨvɨ ndive.
Israel pegua reta jare Judá pegua reta oiporara vae8¡Pemoñee vecha kuimbae-räti Gabaa pe
jare mimbɨ guasu Ramá pe!
¡Pemoñee mimbɨ ñeraro pegua Bet-avén pe!
¡Pekɨɨye Benjamín pegua reta!
9Israel pegua ñemuña reta ipɨte pe aikuaauka añete vae,
Efraín pegua reta okañɨteita tembiporara iara pe.
10YandeYa jei:
“Judá pegua mburuvicha reta,
jae ko ɨvɨ jembeɨ güɨrosɨrɨ vae reta rami,
¡chearasɨ yaeta ikotɨ reta!
11Efraín pegua reta oiporara yae, yogüɨrekoasɨ katu,
echa oiparavo omboete vaerä tumpa-raangaño.
12Che aikota kupii rami Efraín pe,
jare yaratita rami Judá pegua reta pe.
13Efraín oecha ma yave imbaerasɨ,
jare Judá ipere okuerambae yave,
Efraín ojota Asiria pe oiporu yemborɨ mburuvicha guasu pe,
ërei jae ngaraa ipuere ombogüera
ngaraa vi ipuere oipoano ipere.
14Echa che aïta yaguapope rami Efraín pe;
jare yaguapope raɨ rami Judá pe;
che apɨ̈rota araja, jare ngaraa kia ipuere opɨ̈ro ye chepo güi.
Israel pegua reta oñomomiari oyerova ye vaerä yandeYa kotɨ15Aja yeta aïa pe, jae reta oikuaa regua iyoa ko vae,
yogüeru regua chereeka.
¡Oiporara reta ñogüɨnoi yave, chereekata!”
Who We AreWhat We EelieveWhat We Do
2025 by iamachristian.org,Inc All rights reserved.
