2 CRÓNICAS 8 - Guarani Bible with DC

Ïru mbaravɨkɨ reta Salomón oyapo vae(1 R 9.10-28)

1Oasa veinte año Salomón omopüa güire yandeYa itupao guasu jare jae jo iporookuaía peguarä;

2javoi omopüa ye tëta guasu reta Hiram omee chupe vae, jare omondo joko pe yogüɨreko vaerä Israel iñemuña reta.

3Kuae jaɨkue rupi Salomón oporepeña Hamat, Soba pegua re, jare opɨ̈ro,

4jare omopüa pɨau ye tëta Tadmor ñuu pe jare opaete tëta guasu reta tembíu oñeñovatu pɨpe vae, Hamat pe omopüa vae.

5Jaeramiño vi omopüa pɨau ye tëta guasu Bet-horón ɨvate oï vae jare tëta guasu Bet-horón ɨ́vɨkotɨ oï vae, jae ko tëta guasu reta jëguambae, ikësea reta, jöke reta jare iyokendaa reta jëguambae vae,

6jaeramiño vi tëta Baalat jare opaete ïru tëta guasu reta: Tembíu oñeñovatúa, opaete käretou ñeraro pegua reta jenda, kavayu regua reta jëta, jare opaete ikɨ̈reɨ omopüa Jerusalén pe vae, Líbano pe vae jare opaete ɨvɨ jae güɨnoi mbaepuere jese vae pe vae reta.

7Jare opaete heteo reta, amorreo reta, ferezeo reta, heveo reta, jare jebuseo reta güi jembɨregüe, Israel iñemuña peguambae vae reta.

8Jae reta jaɨkue rupi iñemuña opɨtaño jókuae ɨvɨ pe vae reta, Israel iñemuña reta mbaetɨ opa omokañɨtei vae, kuae reta pe Salomón oñono jeta ombaemboepɨ vaerä, añave regua.

9Ërei Israel iñemuña reta pe mbaetɨ omee mbaravɨkɨ oyeokuai vaerä tembipɨɨ reta oyeokuai rami; echa jae reta ko ñeraro regua reta, sundaro ruvicha reta, käretou ñeraro pegua jare kavayu regua reta juvicha reta.

10Jare Salomón güɨnoi dosciento cincuenta mburuvicha reta mbaravɨkɨ re omae vae, kuae reta oyókuai jókuae kuimbae reta.

11Jare Salomón güɨroyakavo Faraón tayɨ David Jëta guasu güi jae omopüa o chupe mburuvicha iporookuaía pe vae pe, echa jei: “Cherembireko ngaraa oiko Israel iñemuña reta juvicha guasu David jo pe, echa jókuae o reta pe oyereroike yandeYa ikäjou vae, oñeñono tee vae ko.”

12Jayave Salomón omee yandeYa pe mɨmba oyeyukagüe opaetei oyeapɨ vae, mɨmba oyeyuka oyeapɨ jese vae re, tupao guasu jöke jóvai jae omopüa vae re,

13oñemee vaerä jese mbota reta iara pe, Moisés mborookuai omee rami, jae ko: Ara mbutuu retaNm 28.9-10. ñavo pe, yasɨNm 28.11-15. pɨau ñavo pe, jare arete reta mbaemboete pegua añoEx 23.14-17; 34.22-23; Nm 28.16—29.39; Dt 16.16. pe mboapɨ oyeapo vae, jae ko: Arete mbɨyape oyembovumbae pegua, arete chiu ara oyeapo vae pegua jare arete küaraɨa ñairaka pegua.

14Jare oñono kavi sacerdote reta iparavɨkɨ pe oyopoepɨ reta vaerä, tu David oñono kavi rami; jare levita reta iparavɨkɨ pe kavi omee reta vaerä mbaemboete jare omborɨ reta vaerä sacerdote reta, opaete kuaekuae reta iara pe kavi; jökoraiño vi öke iyangarekoa reta öke ñavo, echa jökorai David Tumpa jembiokuai omee mborookuai.

15Jare mbaetɨ opia reta mburuvicha guasu David iporookuai güi: Sacerdote reta jare levita reta regua, jare opaete mbaembae jepɨ vae oñeñovatúa regua jare ïru mbaembae reta regua.

16Echa opaete mbaravɨkɨ Salomón oyapo yandeYa pe vae, oñono kavi voi omboɨpɨ güive oñono tupao guasu iguapɨka opa oyapo regua. Jare yandeYa itupao guasu opa oyeapo.

17Jayave Salomón ojo Ezión-geber pe jare Elot pe ɨguasu jembeɨ pe ɨvɨ Edom pe.

18Echa Hiram omondo chupe barco reta jembiokuai reta rupi, jembiokuai reta ipoki oguata ɨguasu rupi vae ko, kuae reta yogüɨraja Salomón jembiokuai reta ndive, Ofir pe, jare joko güi güeru reta quince mil kilo rupi oro, jare güeru reta mburuvicha guasu Salomón pe.