NÚMEROS 20 - Guarani Bible with DC

Ɨ ɨ̈vavira güi(Ex 17.1-7)

1Tenondegua yasɨ pe, Israel iñemuña reta yogüɨraja oväe ñuu Zin pe, jare oyembojeyupa reta Cades pe; joko pe María omano, jare joko pe oñotɨ reta.

2Jare opaete vae oyomboatɨ Moisés kotɨ jare Aarón kotɨ, mbaetɨ ɨ chupe reta jeko pegua.

3Jare iyarasɨ reta Moisés kotɨ, jei reve:

—¡Maera ra opa voiä romano orerëtara reta opa omano yandeYa jóvai yave!

4¿Maera pa orereru opaete yandeYa imbae vae reta kuae ñuu pe, opa vaerä romano, ore jare orerɨmba reta?

5¿Maera pa orerenoe Egipto güi, orereru vaerä kuae ɨvɨ ikavimbaea kotɨ? Mbaetɨ ikavi oñeotɨ vaerä, ɨva, uva jare temitɨ granada jee vae; ¡jare ɨ ave mbaetɨ rou vaerä!

6Jare Moisés jare Aarón opa yogüɨraja jeta vae ñogüɨnoia güi, tupao guakapi pegua jöke pe, jare oyetavatɨka reta itindɨasɨ reve ɨvɨ re; jare yandeYa iyemboetea jembipe oyekuaa jae reta iárambo.

7YandeYa jei Moisés pe:

8—Eipɨɨ ndepopoka jare emboatɨ opaete vae, nde jare nderɨkeɨ Aarón, javoi emomiari ɨ̈vavira jae reta jovake; jare oëta ɨ chugüi, jökorai renoeta ɨ ɨ̈vavira güi chupe reta, jare emee tou reta ɨ opaete vae jare jɨmba reta.

9Jayave Moisés oipɨɨ ipopoka yandeYa jóvai güi, jae oyókuai vae rami.

10Javoi Moisés jare Aarón omboatɨ opaete vae ɨ̈vavira jóvai, jare jei chupe reta:

—¡Peyeapɨsaka añave, pe ipɨapochɨ vae reta! ¿Rogüɨnoeta pa peve ɨ kuae ɨ̈vavira güi?

11Jayave Moisés oupi ipo, jare oiporu ipopoka ɨ̈vavira re mókoi ye rupi, jare oë jeta ɨ, jare opaete vae oɨu jare jɨmba reta.

12Jare yandeYa jei Moisés jare Aarón pe:

—Mbaetɨ ramo perovia cheré, mbaetɨ chemboete Israel iñemuña reta jóvai, jáeramo, mbaetɨta pe reta peroike kuae tëta ɨvɨ che amee chupe retaa pe.

13Kuae jae ko ɨ yemboarasɨ pegua, kuae re ko Israel iñemuña reta oyemboyovaicho yandeYa kotɨ, jare jae oyekuaauka jese reta.

Edom iñemuña reta omaeñoä oasa Israel iñemuña reta

14Moisés omondo ɨvɨ Cades güi, jekovia pe kuimbae reta imiari vaerä Edom iñemuña reta juvicha guasu ndive, jei reve: “Körai jei nerëtara Israel iñemuña reta: ‘Nde reikuaa jeta mbaembae ou oreve vae.

15Oreñemuñagüe reta yogüɨraja Egipto pe, jare ɨma roiko joko pe, ërei Egiptoɨgua reta oiporarauka oreve, oreñemuñagüe reta pe rami.

16Jare rosapúkai yandeYa pe, jare jae oendu oreyerure, ombou metei araɨgua orerenoe Egipto güi. Añave, ko ma roï Cades pe, tëta köi oï ndeɨvɨ jembeɨ güi vae pe.

17Ore romoñera, roasa vaerä ndeɨvɨ rupi. Mbaetɨta roasa ko temitɨ güɨnoia rupi, ani uvarupa rupi, ndeɨ ave mbaetɨta rou; tape guasu rupiño roasata, ropiambae reve oreakatu kotɨ ani oreasu kotɨ yepe, opa regua roasa ndeɨvɨ.’ ”

18Ërei Edom iñemuña reta juvicha guasu jei chupe:

—¡Agüɨye peasa cheɨvɨ rupi, echa jökorai yave che aëta peve chesundaro reta ndive!

19Israel iñemuña reta jei chupe:

—Tape guasu rupiño rojota; jare ndeɨ rou yave, ani orerɨmba reta jou yave, romboepɨta ndeve. Ore roipota vae, jaeño ko roasa vaerä ndeɨvɨ rupi, mbaetɨ ye mbae.

20Ërei Edom iñemuña reta juvicha guasu jei:

—¡Ngaraa peasa!

Jare ñogüɨnoe Israel iñemuña reta pe jeta yae vae ndive, oyemoembiporu kavi reve, tembiporu ñeraro pegua pe,

21Edom iñemuña reta mbaetɨ omaeño oasa vaerä iɨvɨ rupi Israel iñemuña reta. Jare Israel iñemuña reta opia chugüi ïkotɨa rupi.Aarón imano ɨvɨtɨ Hor re

22Israel iñemuña reta opa yogüɨraja Cades güi, jare opa yogüɨraja oväe ɨvɨtɨ Hor pe.

23Jare yandeYa jei Moisés pe jare Aarón pe, ɨvɨtɨ Hor pe, Edom iñemuña reta iɨvɨ jembeɨ pe:

24“Aarón omanota ma, ngaraa oike Israel iñemuña reta pe ɨvɨ amee vae pe, peyembopɨapochɨ cheporookuai kotɨ Meriba pe jeko pegua.

25Eraja Aarón jare taɨ Eleazar, jare eroyeupi ɨvɨtɨ Hor re;

26jare emboi Aarón güi jemimonde sacerdote pegua, jare emondeuka taɨ Eleazar pe; echa Aarón joko pe omanota.”

27Jare Moisés oyapo yandeYa oyókuai rami; oyeupi reta ɨvɨtɨ Hor re opaete vae jovake,

28joko pe Moisés omboi Aarón jemimonde sacerdote pegua jare omondeuka taɨ EleazarEx 29.29. pe. Jare Aarón omanoNm 33.38; Dt 10.6. jókuae ɨvɨtɨ iyapɨte re; jare Moisés jare Eleazar ogüeyɨ ɨvɨtɨ güi.

29Jare opaete vae oikuaa omano ko Aarón yave, oäpiro jare ipɨatɨtɨ reta jese treinta ara rupi, opaete Israel ñemuña reta.