1Jayave mburuvicha guasu Darío omee mborookuai oyeeka vaerä tupapire reta oñeñovatúa pe, mbae jepɨ vae reta oñeñovatúa pe Babilonia pe;
2jare oñeväe chupe tëta guasu Acmeta pe mburuvicha guasu jo ɨvɨ Media pe oï vae pe, metei tembikuatía pe oyekuatía oï pɨpe körai yemomaendúa:
3“Mburuvicha guasu Ciro metei año ma oiko yave, omee mborookuai oñeñono ye vaerä tupao iguapɨka, oñemopüa ye vaerä Tumpa jo Jerusalén pe, joko pe oñemee vaerä mɨmba oyeyukagüe, jare ɨvategüe güɨnoi vaerä veintisiete metro jare ipɨgüe veintisiete metro.
4Mboapɨ ñesɨro ita tuichagüe oñeñono vaerä, jare metei ñesɨro ɨvɨra ipɨau vae. Jare opaete tupao guasu re oyeporu vae mburuvicha guasu ikorepoti oñeñovatúa güi toyemboepɨ.
5Jaeramiño vi Tumpa jo pegua tembiporu reta oro pegua jare korepoti pegua Nabucodonosor opa güeru Jerusalén güi Babilonia pe vae, toyereraja ye tupao guasu pe Jerusalén pe, toñeñono ye Tumpa jo pe.”
6Jayave mburuvicha guasu Darío jei tëta ruvicha Tatnai pe, Setar-boznai pe jare ïru reta ɨ̈aka Éufrates jovaicho pe yogüɨreko vae reta pe:
“Pesɨrɨ Jerusalén güi
7jare pemaeño toñemopüa ye jókuae tupao, judío reta juvicha
15Kuae tupao opa oyeapo mboapɨa ara yasɨ Adar pe, ovaa año ma Darío oiko mburuvicha guasuä yave.
16Jayave Israel iñemuña sacerdote reta, levita reta, jare opaete tembipɨɨ güi oyerova ye vae, oyerovia katu reve oñono tee reta omboarete reve Tumpa jo.
17Jare Tumpa jo oñeñono tee omboarete vae peguarä omee reta cien toro taɨrusu vae, dosciento vecha kuimbae jare cuatrociento vecha kuimbae taɨrusu vae; jare Israel iñemuña reta pe Tumpa iñɨ̈ro vaerä iyoa re, doce kavara kuimbae, Israel taɨ reta iñemuña ñavo re.
18Jare oñono reta sacerdote reta iparavɨkɨ ae rupi, jare levita reta iparavɨkɨ ae rupi, oyeokuai reta vaerä Tumpa pe, Jerusalén pe, Moisés jembikuatía pe oï rami.
19Jaeramiño vi oyapo reta arete Pascua catorcea ara pe, tenondegua yasɨ pe. ipɨa ikotɨ reta, omomɨ̈rata vaerä omopüa Tumpa jo, Israel iTumpa.
Who We AreWhat We EelieveWhat We Do
2025 by iamachristian.org,Inc All rights reserved.
