1Añave cherɨvɨ reta, yandeYa Jesucristo ou yeta vae regua jare jae ndive ñañoövaiti vae regua.1 Ts 4.15-17. Pomoñera cherɨvɨ reta,
2agüɨye peyembotavɨuka jare peyembojopauka, oecha rami oyeapo vae reta pe, ani ñee rupi, ani tupapire ore romondogüe rami vae rupi, jei reta yandeYa iara oyearo ma.
3Ërei agüɨye pemaeño kia re kërai ave yepe tapembotavɨ. Echa jókuae ara, ngaraa ou ndei ou mbove yembopɨapochɨ Tumpa kotɨ vae iara, jare kuimbae mbaeyoa pegua oyekuaata vae, okañɨteita vae.
4Jae oñemopüata Tumpa kotɨ jare opaete mbaemboete oñemee chupe vae reta kotɨ,Dn 11.36; Ez 28.2. jare jae etei oguapɨta tupao pe jare jeita iyeupe: “Che Tumpa ko.”
5¿Mbaetɨ pa pemaendúa, che aï pe ndive yave, kuae jae vae?
6Jare añave pe reta peikuaa, oime ko kia mbaetɨ omaeño jese vae, oyekuaa vaerä iara pe kavi.
7Ërei oime ma oparavɨkɨ oï jókuae ikavimbae yaikuaambae vae, ërei añave oime ko kia mbaetɨ omaeño jese vae; jae oyereraja regua yandepɨte güi.
8Jayave oyekuaata jókuae ikavimbae vae iyapoa. Jókuae yandeYa oyukata ipɨ̈túe peIs 11.4. vae, jare omboaita ko, ou yave jembipeasɨ reve.
9Jókuae ikavimbae iyapoa outa Satanás jembiapo rupi; outa mbaepuere tuichagüe ndive jare mɨakañɨ retaMt 24.24. yembotavɨ pegua rupi.
10Oyapota oipotagüe mbae ikavimbae, ombotavɨ vaerä okañɨteita vae reta. Echa mbaetɨ omboresive reta mboroaɨu añete pegua, oyemboasauka vaerä.
11Jáeramo, Tumpa ombou chupe reta mbaepuere mborombotavɨ pegua, güɨrovia reta vaerä apu re;
12jökorai opa vaerä okañɨtei opaete mbaetɨ güɨrovia añete vae re ramo, jaeño oyembovɨa reta jupimbae re.
Tumpa yandeparavo yandemboasa vaerä13Cherɨvɨ reta, yandeYa oaɨu vae reta, ikavi ko jekuaeño romee vaerä yasoropai Tumpa pe peré, echa Tumpa peparavo iyɨpɨ güive pemboasa vaerä, Espíritu Santo peñono tee Tumpa peguarä vae rupi, jare añete vae perovia ramo.
14Kuaerä Tumpa peparavo ñee ikavi vae romombeu peve vae rupi, peike vaerä yandeYa Jesucristo iyemboetea pe.
15Jáeramo, cherɨvɨ reta, pepɨ̈rata peporogüɨrovia pe. Agüɨye peakañɨ peikuaa vae güi, ore etei pomboe jese vae güi ani tupapire roikuatía peve vae rupi vae güi.1 Co 11.2.
16YandeYa Jesucristo etei jare yandeRu Tumpa yanderaɨu vae jare yandembopɨakatu avei vae jare ñaäro yayerovia reve ipɨakavi rupi vae,
17jae tapembopɨakatu jare tapemomɨ̈rata opaete ñee ikavi vae pere vaerä, jare ikavi vae peyapo vaerä.
Who We AreWhat We EelieveWhat We Do
2025 by iamachristian.org,Inc All rights reserved.
