1Aaɨu cheYa, echa jae oendu cheve cheyerure amoñera reve vae,
2echa omboɨke iyapɨsa chekotɨ.
Jáeramo, ¡tayerure avei chupe, aikove aiko ramboeve!
3Mano chemama jɨmasa pe,
omanogüe reta ñogüɨnoia pegua mbaeporara ou oväe cheve,
mbaeporara jare mbɨatɨtɨ ou oväe cheve.
4Jayave, aenɨi cheYa, jae chupe:
“CheYa, chereroasayepe.”
5Iyeaeä jare jupi ko yandeYa,
iporoparareko yae ko ñaneTumpa.
6YandeYa oyangareko ipɨa omomichi vae reta re,
cherupa rupi aiko yave, chereroasayepe.
7Añave chepuere ma aiko pɨagüive ye,
echa yandeYa ipɨakavi chekotɨ;
8echa nde chereroasayepe mano güi,
yaeo güi jare agüɨapita tëi vae güi.
9Taiko nde rerea re cheYa,
aiko ramboeve kuae ɨvɨ pe, oikove vae reta ipɨte pe.
10Che arovia ko; jáeramo jae,
aiporara yae aï yave.
11Ayemongetambae reve jae:
“Opaete vae yapu vae päve ko.”
12¿Mbae pe pa amboepɨta cheYa pe,
opaete jókuae ikavi vae oyapo cheve vae jekovia pe?
13Tamopüa kopa yereroasayepe pegua,
¡jare taenɨi cheYa jee!
14Tambopo cheYa pe opaete arökuavee chupe vae,
opaete jae imbae vae reta jóvai.
15YandeYa pe jasɨ katu ko imbae vae reta imano.
16CheYa Tumpa, nderembiokuai ete ko che,
nderembiokuai kuña imembɨraɨe ko che,
nde ko cheyora cheñeapɨtía reta güi.
17Tamee ndeve mbaemboete,
jare taenɨi cheYa jee.
18Tambopo cheYa pe opaete arökuavee chupe vae,
opaete jae imbae vae reta jóvai,
19cheYa jo joka pe,
¡Jerusalén pe!
¡Aleluya!
Who We AreWhat We EelieveWhat We Do
2025 by iamachristian.org,Inc All rights reserved.
