1Okɨä jeko pegua yandeYa jei Jeremías pe:
2“Judáɨgua reta oyaeo ipɨatɨtɨ güi,
jëta guasu reta kïrii ngatu,
yogüɨreko pɨpe vae reta oguapɨ ɨvɨ pe.
Jerusalén täta omoäse mbɨatɨtɨ.
3Oikokatu vae reta omondo jembiokuai reta oeka ɨ;
yogüɨraja ɨupa pe oväe yave, mbaetɨ oväe reta ɨ,
oyerova reta ye iɨrɨru reta ipombaeño;
imara yae reta, mbaetɨ oikuaa reta mbae jei vaerä,
iñäkatindɨ reta imara güi.
4Ko pe oparavɨkɨ vae reta mbaetɨ oikuaa mbae oyapo vaerä,
ɨvɨ otini yae oï, echa mbaetɨ okɨ,
oñeañɨka-yoko reta ipɨatɨtɨ yae güi.
5Guasukaka reta ave ñuu pe oeya imembɨ reta oa ramo vae,
echa mbaetɨ ñana jou vaerä.
6Mburika ñana rupigua reta oyemboɨ ɨvatea rupi ñuu pe,
oëtu ɨvɨtu, aguarayaɨmba rami;
jäve ma omae, echa mbaetɨ ñana jou vaerä.”
Ñeemombeúa oyerure yandeYa pe opaete vae re7¡CheYa, yepe tëi oreyoa oremboeko,
eyapo oreve nderee reaɨu vae jeko pegua!
Echa jeta yae orepɨapochɨ ndekotɨ,
oreyoa ko ndekotɨ.
8Tumpa, Israel iyeroviaka,
yavai vae güi orereepɨ avei vae,
¿maera pa oguataiño vaeecha reyeapo kuae tëtaguasu pe,
oguataiño vae opɨta metei pɨ̈tu peguaño vae rami?
9¿Maera pa reï metei kuimbae
ipɨakañɨiño omae ngatu vae rami,
metei ñeraro regua jëia vae mbaetɨ oporoepɨ rami?
Ërei, nde cheYa reï ore ndive,
opaete vae oikuaa ndembae vae reta ko ore;
¡agüɨye orereeya!
10Körai jei yandeYa Israel kotɨ: “Kuae tëta oguata reteiño oipota rupi. Jáeramo mbaetɨ chepɨakatu amae jese. Añave chemaenduata iyoa reta re jare aiporaraukata chupe reta.”
11YandeYa jei cheve: “Agüɨye chemoñera kuae tëta re, oï kavi vaerä.
12Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”
13Jare che jae chupe: “¡Atataɨ cheYa Tumpa! Ñeemombeúa reta ko omoërakua kuae tëta pe mbaetɨta ñeraro, karuai jare nde remeeta chupe reta mbɨakatu opambae vae kuae pe vae.”
14Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.
15Jáeramo che peYa jae, jókuae ñeemombeúa reta cheree re omoërakua mbaetɨ tëi ambou reta vae regua, echa omoërakua reta mbaetɨta ñeraro ani karuai kuae ɨvɨ pe vae; jae reta omanota ñeraro jare karuai rupi.
16Jare tëta oñemoërakua chupe reta vae, omanota vi ñeraro jare karuai rupi, kuimbae jembireko ndive jare imichia reta. Jëogüegüe reta oyemombota Jerusalén ikaye rupi, mbaetɨta kia oñotɨ vaerä. Jökorai aiporaraukata chupe reta iyoa re.
17Ere opaete vae pe kuae ñee:
‘Toyepɨyere cheresaɨ,
ara pe jare pɨ̈tu yave toyepɨyere iyapɨmbae,
echa yavaetegüe susere ou cherëta re,
tuicha yae ipere.
18Aja yave ñuu kotɨ,
aecha tëogüe reta, ñeraro pe omanogüe reta;
aike yave tëta guasu pe, aecha jovarurugüe,
ñeemombeúa reta jare sacerdote reta ave
opa yogüɨraja reta ïru ɨvɨ pe.’ ”
Ñeemombeúa iyerure19CheYa, ¿remombo ete pa ko Judá?
¿Reröɨro pa tëta guasu Sión?
¿Maera pa ko orembopere, rokuerambae vaerä?
Roäro tëi mbɨakatu,
ërei mbaetɨ mbae ikavigüe ou oreve.
Roäro tëi rokuera vaerä,
jaeño jeiete kɨɨye ou oreve.
20CheYa, mbaetɨ roikuaku oreyoa,
jare oreñemuñagüe reta iyoa;
oreyoa ko ndekotɨ.
21¡Nderee reaɨu jeko pegua, agüɨye oremombo;
agüɨye eröɨro tëta guasu
ndeporookuaía mbaemboete pegua oïa!
¡Nemaendúa morogüɨrökuavee päve
reyapo ore ndive vae re,
agüɨye emboasaiño jökorai!
22¿Oime pa kia nunga tëtaguasu reta
itumpa-raanga reta güi ipuere omongɨ vae?
¿Ara ombou pa ama iyeugüi aeño?
¡Mbaetɨ ko, cheYa Tumpa!
Nde ko rembou,
nde ko jae opaete kuae mbaembae iyapoa.
¡Jáeramo royeko ndereño!
Who We AreWhat We EelieveWhat We Do
2025 by iamachristian.org,Inc All rights reserved.
