LEVÍTICO 14 - Guarani Bible with DC

Mborookuai reta pire mbaerasɨ ókui vae oyetɨo vae regua

1YandeYa jei Moisés pe:

2“Kuae mborookuai toiko ipire mbaerasɨ ókui vae oyetɨo oï vae peguarä: Toyereru sacerdote pe, amogüe o re jókuae peɨvɨ pe,

35tou jókuae o iya tomombeu sacerdote pe, körai: ‘Oimeecha mbaerasɨ pɨ̈chɨi vae chero re.’

36Jayave sacerdote tomoë jókuae o iya opaete imbaembae ndive jo güi ndei omae mbove o re, agüɨye vaerä oikomegua opaete mbaembae oï o japɨpe pe vae; jare jaɨkue rupi toike tomae jese.

37Jare tomae kavi mbaerasɨ pɨ̈chɨi vae re; jare oyekuaa oike oguambɨ re ikɨa jovɨ äve ani pɨ̈ta äve vae yave,

38sacerdote toë jókuae o güi, jare toyokenda jöke chiu ara rupi.

39Jare chiúa ara pe, tou ye sacerdote tomae jese, jare mbaerasɨ pɨ̈chɨi oñemoai oguambɨ reta re yave,

40toekɨuka jókuae ita reta re oyekuaa mbaerasɨ pɨ̈chɨi vae, jare tomombo reta tëta guasu güi ikatu pe, ikavimbaea pe.

41Jare toikɨtɨuka japɨpe opaete iyɨ́vɨri, jare ikuigüe jare ituyuapogüe tomombo reta tëta guasu güi ikatu pe ikavimbaea pe.

42Jare togüeru ïru ita reta, jare toñono ita reta oyeekɨ vae jendagüe pe; jare toyapo ïru tuyuapo ipɨau vae oyapete ye vaerä oguambɨ pɨpe.

43Jare oë ye yave mbaerasɨ pɨ̈chɨi vae jókuae oguambɨ re oñeñono kavi güire,

44jayave sacerdote toike tomae kavi jese; mbaerasɨ pɨ̈chɨi vae oñemoai yave jókuae o re, mbaerasɨ ókui vae ko oï o re; ikavimbae yae ko.

45Toyembosururu jókuae o, ita reta, ɨvɨra reta, jare opaete mbaembae o regua; toñerenoe opaete tëta guasu güi ikatu pe, ikavimbaea pe.

46Jare oipotagüe oike yave jókuae o pe oyeokenda oï reve chiu ara rupi, tikɨa topɨta Tumpa jóvai pɨ̈tu regua.

47Jare kia oike oke yave jókuae o pe, toputuka jemimonde reta; jaeramiño vi kia oike yave okaru jókuae o pe, toputuka jemimonde reta.

48Ërei sacerdote oike yave omae kavi jese, jare oecha yave mbaerasɨ pɨ̈chɨi vae mbaetɨ oñemoai o re opa güire oyeapo kavi, sacerdote tomoërakua ikɨambae ko, echa mbaerasɨ pɨ̈chɨi vae opa okañɨ.

49Jayave oitɨo vaerä o toipɨɨ mókoi güɨra jare ɨ̈vɨrare, temimonderä pɨ̈ta vae jare ñana hisopo jee vae.

50Jare metei güɨra toyuka ɨvɨyapepo pe ɨ osɨrɨ vae pegua ɨ güɨnoi vae iárambo.

51Jare toipɨɨ ɨ̈vɨrare, ñana hisopo jee vae, temimonde pɨ̈ta vae jare güɨra oikove vae, jare tomoäkɨ güɨra oyeyuka vae jugüɨgüe pe, jare ɨvɨyapepo pe ɨ osɨrɨ vae oï vae pe, jare toñapiramo chiu ye jókuae o.

52Jökorai o toitɨo güɨra jugüɨgüe pe, jare ɨvɨyapepo pe ɨ osɨrɨ vae pegua oï vae pe, güɨra oikove vae pe, ɨ̈vɨrare pe, ñana hisopo jee vae pe, jare temimonde pɨ̈ta vae pe.

53Jaɨkue rupi topoi güɨra oikove vae güi, tëta guasu güi ikatu pe kaa pe. Jökorai toyapo mɨmba oyeyukagüe cheɨ̈ro vaerä mbaeyoa re, jare topɨta ikɨambae.”

54Jae kuae mborookuai mbaerasɨ pɨ̈chɨi vae regua, pire mbaerasɨ ókui vae regua, äka regua jare tañɨka regua pire mbaerasɨ ókui vae,

55temimonde regua mbaerasɨ ókui vae jare o regua,

56ipere iruru vae regua, ipere ichuumbi vae regua, jare ipire morotï vae regua,

57pepuere vaerä peikuaa ikavimbae jare ikɨambae. Jae ko kuae mborookuai pire mbaerasɨ ókui vae regua.