1Tumpa omee peve tekove, pemano peiko yave ikavimbae pe jare mbaeyoa pe.
2Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.Ef 6.11-12; Col 1.13.
3Tenonde yave opaete yande vi yaiko yandesoo jemimbota reño jae reta rami. Yayapo yepi yandesoo jemimbota reta jare yandeyemongeta retaño. Jáeramo Tumpa iyarasɨ igüɨ pe yaiko,Col 3.6. opaete ïru reta rami.
4Ërei Tumpa yandeparareko yae, jare yanderaɨu yae ramo,
5yepe tëi tenonde yave ñamano ñaï mbaeyoa pe,Col 2.13. ërei omee yandeve tekove Cristo re (Tumpa ipɨakavi rupi ayemboasauka),
6Cristo ndive yandemoingove ye, jare yandemboguapɨ ara pe jae ndive.
7Kuae oyapo, oechauka vaerä ara reta taɨkuegua pe kërai tuicha yae ko ipɨakavi, jare ipɨakavi yandeve Cristo Jesús rupi.
8Echa Tumpa ipɨakavi rupi ko pemboasa, peporogüɨrovia rupi; kuae mbaetɨ ko peyeugüi aeño, mbota ko Tumpa güi;
9tembiapo rupiä ko, agüɨye vaerä kia ave oyemboete iyé.
10Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.
Yembopɨakatu Tumpa ndive11Jáeramo, pemaendúa pe judiombae reta, tenonde rupi jete pe oyembocircuncida vae reta jeise peve “oyembocircuncidambae”,
12jókuae ara rupi peikose Cristombae reve, peiko tee Israel pegua reta güi, jare Tumpa iporogüɨrökuavee päve güi, mbaetɨ mbae penoi peäro vaerä jare peTumpambae kuae ɨvɨ pe.
13Ërei añave Cristo Jesús re, pe reta mombɨrɨ peikose Tumpa güi vae, peyemboyauka jese Cristo Jesús jugüɨ rupi.
14Cristo ko jae mbɨakatu güeru yandeve vae.Jn 14.27. Jae oyapo metei ramiño judío reta jare judiombae vae reta ndive. Omboai ñomotareɨ judío reta jare judiombae vae reta omboyao oyougüi vae,
15omboai jete pe ñomotareɨ reta, omboai mborookuai jei vae reta,Col 2.14. judío reta jare judiombae vae reta güi oyapo metei tëta ipɨau vae imbaerä; jökorai omee mbɨakatu chupe reta,
16imano rupi kurusu re ombopɨakatu Tumpa ndive mókoi reve metei ramiño;Col 1.20. jökorai omboai ñomotareɨ reta.
17Jayave ou omoërakua peve ñee ikavi mbɨakatu pegua, pe mombɨrɨ peiko yepi vae pe jare köiño roiko vae pe.Is 57.19.
18Echa Cristo rupi mókoi reve yandepuere yaya yandeRu re Espíritu Santo rupi.
19Jáeramo pe reta ketɨgua ramiä ma ko ani oguataiño vae ramiä ma ko, oporogüɨrovia vae reta iñeïru ma ko, Tumpa jëtara reta,
20pe reta ko o oñemopüa vae rami, jókuae temimondo reta jare ñeemombeúa reta ko ita o oñemopüa jese vae rami. Ërei Jesucristo etei ko jae ita o ekina iguapɨka.Is 28.16; Mt 21.42.
21Jese ko o okuakuaa ojo oiko, oyeapo vaerä metei tupao oñeñono tee vae yandeYa pe.
22Cristo rupi pe reta vi peyeapo metei rami, 1 Co 3.16-17; 1 P 2.4-5. peiko vaerä Tumpa oikoarä, Espíritu rupi.
Who We AreWhat We EelieveWhat We Do
2025 by iamachristian.org,Inc All rights reserved.
