NÚMEROS 17 - Guarani Bible with DC

Aarón ipopoka jokɨ

1Jaɨkue rupi yandeYa jei Moisés pe:

2“Ere Israel iñemuña reta pe, metei ñemuña ñavo güi mburuvicha reta togüeru ndeve metei popoka; doce popoka reta metei tu ñavo vae rupi; jare eikuatía ipopoka ñavo re jee.

3Jare Aarón jee eikuatía Leví iñemuña pegua popoka re, echa oimeta metei ñemuña itenondegua ñavo rupi metei popoka.

4Jare eñono popoka reta tupao guakapi pegua pe, käjou jóvai, che ayekuaa pevea pe.

5Jare jokɨta jókuae kuimbae che aiparavota vae ipopoka, jökorai amokïriita cheyeugüi Israel iñemuña reta iñeengeta jare iñeenguru pekotɨ vae.”

6Jare Moisés omomiari Israel iñemuña reta, jare opaete mburuvicha reta omee chupe ipopoka; metei ñavo mburuvicha omee metei popoka ñemuña ñavo re, opa reve doce popoka; jare Aarón ipopoka oï jae reta ipopoka ipɨte pe.

7Jare Moisés oñono popoka reta yandeYa jóvai, tupao guakapi pegua pe.

8Jare pɨareve pe Moisés ou tupao guakapi pegua pe yave; oecha Aarón, Leví iñemuña pegua ipopoka oyembojovɨHeb 9.4. jare jokɨ, ipotɨ jare ia almendra.

9Jayave Moisés opa güɨnoe popoka reta yandeYa jóvai güi, Israel iñemuña reta pe; jare jae reta oecha, jare oipɨɨ reta metei ñavo vae ipopoka.

10Jare yandeYa jei Moisés pe: “Eraja ye Aarón ipopoka käjou yemomaendúa pegua jóvai, oñeñovatu vaerä ipɨarai vae reta oecha vaerä. Jökorai emokïrii cheróvai güi, agüɨye vaerä omano reta.”

11Moisés oyapo yandeYa oyókuai vae rami.

12Jayave Israel iñemuña reta jei Moisés pe: “¡Opaeteita ndipo romano! ¡Ngaraa ndipo rojoyepe!

13Oipotagüe oya tupao guakapi pegua yandeYa imbae re vae omano. ¿Opaeteita pa ko romano?”