JUECES 1 - Guarani Bible with DC

Judá jare Simeón oipɨɨ Adonisedec

1Josué omano güire, Israel iñemuña reta oparandu yandeYa pe oikuaa reta vaerä kia nunga ñemuña ra tenonde oyeupita ojo oñeraro cananeo reta ndive.

2YandeYa jei chupe reta: Judá iñemuña reta ko opüata tenonde, jare chupe reta ko omeeta jókuae ɨvɨ.

3Jayave Judá iñemuña reta jei jëtara Simeón iñemuña reta pe omoïru vaerä opa opɨ̈ro cananeo reta iɨvɨ, jae reta imbaerä vae, jare jaɨkue rupi opɨ̈ro päve vaerä vi Simeón iñemuña reta imbaerä vae. Jare Simeón iñemuña reta ikɨ̈reɨ omoïru jare yogüɨraja.

4-5Judá iñemuña reta yogüɨraja jare yandeYa omee opa vaerä omoamɨri cananeo reta jare ferezeo reta. Jare Bezec pe diez mil opa oyuka reta, kuae reta ipɨte pe oï Adoni-bezec.

6Ërei Adoni-bezec otekuarai, jare jae reta oaɨkuemoña jare oipɨɨ, jare opa oyasɨa chugüi ipoäka guasu jare ipɨ̈sa guasu.

7Jayave Adoni-bezec jei: “Tenonde yave che ayasɨa setenta mburuvicha guasu reta ipoäka guasu jare ipɨ̈sa guasu, jare chemesa güi cherembíu osururugüe jou reta yepi, jókuae ayapo chupe reta rami etei Tumpa oyapo vi cheve.” Jare güɨraja reta Jerusalén pe, joko pe omano.

Judá iñemuña reta opɨ̈ro Jerusalén jare Hebrón

8Jare Judá iñemuña reta oporepeña Jerusalén re jare opɨ̈ro, jare kɨsepuku pe opa oyuka tëta pegua reta güire, oapɨ reta tëta.

9Jaɨkue rupi Judá iñemuña reta oporepeña cananeo reta yogüɨreko ɨvɨtɨ re ɨvɨ Neguev pe vae re, jare ɨvɨpe pegua reta re. jókuae tëta guasu.

18Judá iñemuña reta opɨ̈ro vi tëta guasu Gaza iɨvɨ ndive, tëta guasu Ascalón iɨvɨ ndive jare tëta guasu Ecrón iɨvɨ ndive.José iñemuña reta opɨ̈ro Bet-el

22-23José iñemuña reta opüa Bet-el re, tenonde yave tëta Luz jee yepi vae, omondo reta oporopïaro vae joko pe. YandeYa omborɨ reta.

24Oporopïaro vae reta oecha oë metei kuimbae jókuae tëta güi, jare jei reta chupe: “Remombeu oreve yave kerupi roike vaerä kuae tëta pe orepɨakavita ndeve.”

25Jare jókuae kuimbae omombeu chupe reta kerupi oike reta vaerä jókuae tëta pe, jare jae reta oike opa oyuka kɨsepuku pe jókuae tëta pegua reta; ërei iñɨ̈ro reta jókuae omombeu chupe reta vae pe jare opaete jëtara reta pe.

26Jare jókuae kuimbae ojo Het iñemuña reta iɨvɨ pe, joko pe omopüa ipɨau tëta jare ombojee Luz, jökorai jee añave rupi.

Manasés jare Efraín iñemuña reta ɨvɨ opɨ̈rogüe jembeɨ

27Manasés iñemuña reta mbaetɨ ipuere opa omoë omombo tëta Bet-seán pegua reta, Taanac pegua reta, Dor pegua reta Ibleam pegua reta jare Meguido pegua reta; tëta raɨ reta jókuae tëta guasu reta iyɨ́vɨri rupigua ave mbaetɨ ipuere opa omoë reta omombo, jare cananeo reta jeiete yogüɨreko jókuae ɨvɨ pe.

28Ërei Israel iñemuña reta oecha imbaepuere yae ma yave, omee mbaravɨkɨ poɨ yae vae cananeo reta pe, ërei mbaetɨ ipuere opa omoë omombo.

29Efraín iñemuña reta mbaetɨ vi opa omoë omombo cananeo reta yogüɨreko Gezer pe vae, jókuae cananeo reta yogüɨrekoño jae reta ipɨte pe.Ïru ñemuña ɨvɨ opɨ̈rogüe

30Zabulón iñemuña reta mbaetɨ ipuere omoë omombo cananeo reta Quitrón pe yogüɨreko vae, jare Naalal pe yogüɨreko vae reta ave, cananeo reta yogüɨrekoño joko pe, ërei omombaravɨkɨasɨ katu reta.

31-32Aser iñemuña reta mbaetɨ vi omoë omombo cananeo reta yogüɨreko Aco pe vae, Sidón pe vae, Ahlab pe vae, Aczib pe vae, Helba pe vae, Afec pe vae jare Rehob pe vae. Aser iñemuña reta mbaetɨ ipuere omoë omombo cananeo reta jeko pegua, yogüɨreko reta ipɨte pe.

33Neftalí iñemuña reta mbaetɨ vi opa omoë omombo Bet-semes pegua jare Bet-anat pegua cananeo reta, ërei omee reta chupe mbaravɨkɨ poɨ vae, jare yogüɨreko cananeo reta ipɨte pe.

34Jare amorreo reta omombo Dan iñemuña reta ɨvɨtɨ kotɨ, mbaetɨ omaeño ogüeyɨ reta ɨvɨpe kotɨ.

35Jökorai amorreo reta opɨta yogüɨreko Heres pe, Ajalón jare Saalbim pe. Ërei José iñemuña reta imbaepuere yae ma yave, omee reta mbaravɨkɨ poɨgüe amorreo reta pe.

36Amorreo reta iɨvɨ jembeɨ Acrabim kotɨ yayeupía güive Sela pe, jare oasa ye ɨvate kotɨ.