1Oremboasayepe, opaete ɨvɨ ipo iTumpa,
jare eyapo opaete tëta guasu reta tokɨɨye ndegüi;
2emombeu ketɨgua reta pe
ndembaepuere oikuaa vaerä.
3Nde reiporarauka oreve reechauka vaerä chupe reta nde jupi ko vae;
einupa vi jae reta jare echauka oreve jökorai ndembaeyekou,
4oikuaa reta vaerä, kërai ore roikuaa vae,
mbaetɨ yé ma ïru Tumpa ndegüi vae.
5Embopɨau neporomopɨakañɨ reta, eyapo ye neporomopɨakañɨ reta
eechauka nde yerovia jare ndeyɨva imbaepuere.
6Emboyepota ndearasɨ, jare embogüeyɨ ndepochɨ vae,
jare emomichi jare opa emoai yanderovaicho reta.
7Eyapo tou mo järea jókuae ara remombeu vae,
echa ngaraa kia oparandu ndeve mbae reyapogüe re.
9Tovaicho reta juvicha opa epɨ̈saa saa,
echa “mbaetɨ ko kia che rami vae” jei.
10Emboatɨ opaete Jacob jëta ipo reta,
oñemoëta vaerä iɨvɨ pe arakae pegua rami.
11Eiparareko tëta nderé pe oyeero vae,
Israel, nde reiparavo nderaɨrɨpɨ rami vae.
12Eiparareko nerëta guasu ikɨambae vae,
Jerusalén, pɨpe reiko vae.
13Emotɨnɨe Sión ndetuicha rei vae pe,
emotɨnɨe ndetupao ndeyerovia pe.
14Jae ko tenonde mbae reta reyapogüe; eyeechauka chupe reta
jare eyapo oyeapo vaerä ñee reta nderegua oñemoërakua vae.
15Emboekopo neraro oiko vae reta,
emboyekuaa neñeemombeúa reta añete ko jei vae.
16Eendu nderembiokuai reta iyerure,
nde ndeporoaɨu nerëta re renoi rupi,
17jare opaete ɨvɨ jugua rupi toikuaa vae
nde ko jae opaete vae iTumpa vae.
Yaiparavota ko maiagüe18Aseo ipuere omboasa oipotagüe tembíu,
ërei oime amogüe tembíu reta má jee ngatu ïru vae güi vae.
19Äpeku oikuaa ko mbae jee ngatu vae reta,
jare pɨarakuaa oikuaa vi apu reta.
20Äka ikavimbae vae omee tembiporara,
ërei kuimbae tätagüe vae omboyevɨta ko.
21Kuña oipotagüe ko oyapo ime rami,
ërei oime kuña reta má ikavi ïru vae reta güi vae.
22Kuña ikavigüe yaecha vae yerovia ko,
mbaetɨ yé ko mbae má ikavigüe;
23jare joko güi iñee pe täta iporoaɨu yave,
ime oyovakeä ko güɨnoi vaerä kuimbae reta ipɨte pe.
24Kia jembireko ma yave omboɨpɨ güɨnoi mbae,
jare güɨnoi yemborɨ, yeopiaka jare yeokoka.
25Metei uvarupa oñekësembae opokota ko jese vae,
jare metei kuimbae jembireko mbae oguata tëiiñota ko.
26¿Kia ya güɨroviata kuimbae jeta vae reve reve
ojo ojo tëta tuicha vae reta rupi vae?
27Jökoraiño vi ko kuimbae jombae vae,
oputuu pɨ̈tu chupea rupi.
Who We AreWhat We EelieveWhat We Do
2025 by iamachristian.org,Inc All rights reserved.